ဝမ်းနည်းခြင်းမှတ်တမ်း

ကိုချမ်းမြစိုး http://cmsmdy.blogspot.com ၏ မိခင်

(ဆရာမ ဒေါ်အေးအေး)

သည် (၁၁-စက်တင်ဘာလ-၂၀၀၇) အင်္ဂါနေ့ မနက်တွင် ဘ၀တပါးသို့

ကူးပြောင်းသွားကြောင်း သိရသည့်အတွက် မိသားစုနှင့် အတူ

ထပ်တူထပ်မျှ ၀မ်းနည်းကြေကွဲရပါတယ်...။

0 comments

Exam Table

အဝေးသင်တက်နေတဲ့ ကျောင်သား/ ကျောင်းသူများအတွက် အဝေးသင် အနီးကပ်အချိန်စာရင်းနဲ့ စာမေးပွဲ အချိန်စာရင်းတွေကို ဖော်ပြပေးလိုက်ပါတယ်...

သိပ္ပံဘာသာရပ်အားလုံး
(၅.၁၀.၂၀၀၇) နေ့မှ (၁၂.၁၀.၂၀၀၇)ထိ

ဝိဇ္ဇာတွဲ ဒုတိယအသုတ်
အင်္ဂလိပ်စာ၊ စိတ်ပညာ၊ ဒဿနိက၊ ပထ၀ီ၊ ဥပဒေဘာသာရပ်များ
အနီးကပ်အချိန်စာရင်း (၁၆.၁၀.၂၀၀၇) နေ့မှ (၂၅.၁၀.၂၀၀၇) နေ့အထိ
စာမေးပွဲအချိန်စာရင်း (၃၀.၁၀.၂၀၀၇) နေ့မှ (၆.၁၁.၂၀၀၇ ) နေ့အထိ

ဝိဇ္ဇာတွဲ တတိယအသုတ်
မြန်မာ၊ မြန်မာမှု၊ ရသ၊ သမိုင်း၊ စီးပွားရေး၊ အိမ်တွင်းစီးပွား၊ ပြည်သူ့ရေးရာ၊ စီးပွားစီမံ
အနီးကပ်အချိန်စာရင်း (၉.၁၁.၂၀၀၇) နေ့မှ (၁၈.၁၁.၂၀၀၇) နေ့ထိ
စာမေးပွဲအချိန်စာရင်း (၂၂.၁၁.၂၀၀၇) နေ့မှ (၃၀.၁၁.၂၀၀၇) နေ့ထိ

0 comments

About Meeting

၂၅.၈.၂၀၀၇နေ့မှာ MICT Park Canteen မှာ လုပ်တဲ့ Meeting လေးကို သွားရောက်တက်ဖြစ်ခဲ့ပါတယ်။ အဲဒီမှာ ၃၁ရက်နေ့ ကမ္ဘာဘလော့ခ်ဂါနေ့ အထိမ်းအမှတ် အခမ်းအနားလေး ပြုလုပ်ဖို့အတွက် အစီအစဉ် တွေနဲ့ ပတ်သက်ပြီး ဆွေးနွေးခဲ့ကြပါတယ်။ တက်ရောက်ကြသူတွေကတော့ ကျွန်တော်သိသလောက်ပဲ ဖော်ပြ လိုက်ပါတယ်နော်။ နာမည်မသိလို့ မပါလိုက်တဲ့ သူတွေအတွက် ကျွန်တော်အနူးအညွတ်ပဲ တောင်းပန် လိုက်ပါတယ်။ ဦးဆောင်သူတွေကတော့ ဦးထိပ်၊ ဆြာဘ၊ မရတနာချို၊ ကိုစစ်ကိုင်း၊ ကိုဇော်မိုးအောင်၊ မရွှေပုံ့၊ Caculator၊ ပြီးတော့ နောက်ထပ် (၃)ယောက်ကတော့ နာမည်မသိလို့ မဖော်ပြတော့ပါဘူးနော်။ တစ်ခါတည်း တောင်းပန်လိုက်ပါတယ်။ အဲဒီမှာ မှတ်မှတ်ရရ ဦးထိပ်နဲ့ ဆြာဘက ပြောပါတယ်။ သူတို့ကို မေးခံရတယ်ပေါ့နော်။ ဒီဘလော့ခ် အခမ်းအနားပွဲနဲ့ ပတ်သက်လို့ တက်ရောက်သူတွေမှာ ဘာအကျိုးကျေးဇူး၊ ဗဟုသုတ၊ အသိဥာဏ်ပညာတွေ ရမှာလဲ၊ ကျန်ခဲ့မှာလဲလို့ပေါ့။ သူတို့ကပြောမှ ကျွန်တော် သေသေချာချာ စဉ်းစားကြည့်မိတယ်။ ဟုတ်တယ် ဘလော့ခ်ရေးတတ်သွားရင် ဘာအကျိုးကျေးဇူးတွေ ခံစားရမလဲလို့။ ဒါကတော့ ကျွန်တော်တွေးမိတာ၊ စဉ်းစားမိတာ၊ ထင်မြင်မိတာကို တင်ပြတာပါ။ အမှားများပါသွားခဲ့ရင် ခွင့်လွှတ်ပေးကြပါလို့ တောင်းပန်လိုက်ချင်ပါတယ်။
ပထမအနေနဲ့ ကျွန်တော်ခံစားမိတာကို ပြောပြချင်ပါတယ်။ နောက်ဆုံးအဆင့်ပေါ့နော်။ ကျွန်တော်အရင် ဘလော့ခ် မရေးတတ်ခင်က စိတ်ထဲမှာ ခံစားရတာတွေကို ရင်ထဲမှာ မြိုသိပ်ထားရတယ်။ မွန်းကျပ်နေတာပဲ။ အခုရေးတတ်သွားတော့ စိတ်ထဲရှိတာတွေ ချရေးပလိုက်တယ်။ စိတ်ကိုပေါ့ပါးသွားတာပဲ။ ပြီးတော့ ကိုယ်ရေးထားတာတွေနဲ့ ပတ်သက်လို့ လာရောက်ဖတ်ရှုသူတွေက အကြံဥာဏ်တွေပေးတယ်၊ အားပေးတယ်၊ မကောင်းဘူး ထင်ရင်ပြောပြ တားမြစ်ကြတယ်။ ဒီလိုဆိုတော့ ကိုယ်လည်းအားရှိတယ်၊ ကိုယ့်ကိုယ်လည်း ယုံကြည်မှု ပိုရှိလာတယ်။ ကိုယ်အရမ်းခံစားနေရတဲ့ ကိစ္စဆိုရင်တောင် သူတို့နှစ်သိမ့်တာ၊ အကြံဥာဏ် ပေးတာ တွေက လုံးဝအကျိုး ကျေးဇူးရှိပါတယ်။ ဒါကျွန်တော် ခံစားရတာကို ပြောတာပါ။ ဥပမာ ဆိုပါစို့- လူတစ်ယောက်က ကဗျာဆရာဖြစ်ချင်တယ်။ ရေးထားတာတွေလည်း ရှိတယ်။ ဒါပေမယ့် သူ့မှာလူတိုင်း ကိုလည်း ဒါကျွန်တော် ရေးထားတာပါဆိုပြီး လိုက်ပြလို့မဖြစ်နိုင်ဘူး။ အရမ်းကြီးလည်း ကိုယ့်ကိုယ်ကို မယုံရဲဘူး။ အကယ်၍ သူသာဘလော့ခ် ရေးတတ်သွားမယ် ဆိုပါစို့။ သူရေးထားတဲ့ကဗျာတွေကို သူ့ဘလော့ခ်ပေါ်မှာ တင်လိုက်မယ်။ ဒါဆိုရင် သူ့ဆိုဒ်ကို လူတကာဝင်ဖတ်ဖြစ်မယ်။ ဖတ်ကြည့်တဲ့သူတွေက ကောင်းတယ်၊ မကောင်းဘူး၊ ဆက်ကြိုးစားပါ၊ ဘယ်ဟာလေးကတော့ ဘယ်လိုနဲ့ ၀ိုင်းဝန်း အကြံဥာဏ်ပေးကြမယ်၊ ဝေဖန်ကြမယ်။ ဒါဆိုသူလည်း လိုက်နာသင့်တာလိုက်နာ၊ ရှောင်သင့်တာရှောင်နဲ့ ပိုကောင်းလာမယ်။ သူ့ကိုယ်သူလည်း ယုံကြည်မှု ပိုရှိလာမယ်။ အဲလာကြည့်တဲ့သူတွေထဲမှာ စာအုပ်တိုက်တွေက အယ်ဒီတာတွေ၊ ထုတ်လုပ်သူတွေ ပါလာမယ်။ သူ့ကိုလည်း သတိထားမိသွားမယ်။ သူ့ကဗျာလေးကိုတွေကို ကြိုက်တယ်ဆိုရင် သူ့လိပ်စာကို ဆက်သွယ်ကြမယ်။ ဒါဆို သူရည်မှန်းချက်တွေ ပြည့်မသွားဘူးလား။ ဖြစ်နိုင်မဖြစ်နိုင်တော့ မပြောတတ်ဘူးပေါ့။ ကျွန်တော် စဉ်းစားမိတာကို တင်ပြတာပါ။ အကယ်၍ အဲဒီနေရာမှာ စီးပွားရေးလုပ်ငန်းရှင် တစ်ယောက် ဖြစ်မယ်ဆိုရင်လည်း သူ့စီးပွားရေးလုပ်ငန်းနဲ့ ပတ်သတ်တဲ့ ၀န်ဆောင်မှုတွေ၊ ရရှိနိုင်တာတွေ၊ အစီအစဉ်တွေကို ငွေရေးကြေးရေး အကုန်အကျခံပြီး ကြေငြာနေစရာ မလိုတော့ဘူး။ ဘလော့ခ်မှာတင် ပြီးတော့ လိပ်စာကဒ်မှာ အီးလ်မေးလ်လိပ်စာလေး ထည့်လိုက်ရင် ပိုပြီးကောင်းမသွားဘူးလား။ ပညာရေးနဲ့ ပတ်သက်တဲ့ လေ့လာသူ၊ လိုက်စားသူဆိုရင်လည်း တချို့ပညာရေးနဲ့ ပတ်သက်လို့ ရေးထားတဲ့ ဘလော့ခ်မှာ သွားရောက် ဖတ်ရှုလေ့လာ လိုက်မယ်ဆိုရင် အသိဥာဏ်ပညာတွေ ပိုတိုးမသွားဘူးလား၊ နည်းပညာပိုင်း ဆိုင်ရာတွေမှာလည်း ဒီလိုပါပဲ။ ဒါကြောင့် ဒီဘလော့ခ်ပွဲ အခမ်းအနားလေးကနေ ဘလော့ခ်အကြောင်း မသိသေးသူတွေလည်း သိသွားမယ်၊ ရေးတတ်သွားမယ်ဆိုရင် ဘာမှမကျန်ဘူးဆိုတောင် အနည်းဆုံး အသိပညာ၊ အတတ်ပညာ၊ ဗဟုသုတလေးတော့ ရလိမ့်မယ်လို့ ကျွန်တော်ယုံကြည်ပါတယ်။ အထက်တင်ပြတာတွေ အားလုံးဟာ ကျွန်တော်ထင်တာ၊ တွေးမိတာလေးတွေပဲ ဖြစ်ပါတယ်။ အမှားပါသွားရင် အားလုံးကို တောင်းပန်ချင်ပါတယ်။ ကိုယ်တွေးတာ၊ ထင်တာတွေကိုလည်း ဝေဖန်အကြံပြုနိုင်ပါတယ်။ အားလုံးကို ကျေးဇူးတင်ပါတယ်ခင်ဗျာ။

0 comments

ဆရာဇော်ဂျီ၏ ပထမ ခေတ်စမ်းကဗျာဖြစ်တဲ့ “ပိတောက်ပန်း” ကဗျာလေးကို ဖော်ပြပေးလိုက်ပါတယ်။

“ပိတောက်ပန်း”

မခူးချင် စမ်းပါနဲ့

နှစ်ဆန်းခါ တော်မီမို့

ဇမ္ဗော်ရည် ပြေပြေလိမ်းကာပါ့

ခပ်သိမ်း နယ်စုံစုံသို့

ပွင့်ငုံကို လင့်ကုန်ကြတော့လို့

ခေါင်းကြွကာ ဆာဝေေ၀နဲ့

သူလဲလေ လောကီသားလိုပါ့

ကြွားချင်လှ ပေလိမ့်မယ်။

တသိန်း တင့်ပါဘိ

တိမ်မြင့် ရီပြာပြာက

ကြည်သာသာ ပင့်လေအဖြူးတွင်ဖြင့်

တီတာတာ ပွင့်ရွှေဖူးငယ်တို့

လည်ယှက်ကာ ဘယ်ညာလူးလေတော့

သူတို့လို ဘယ်သူမြူးနိုင်ပါ့

ထူးပါဘိတယ်။

တ၀ါဝါ ဆင်သင်္ကန်းရယ်က

ကမ္ဘာမှာ ဘ၀င်ချမ်းစေတဲ့

သာသနာ ရွှင်ရွှင်လန်းအောင်လို့

တမင်မှန်းကာပါ့ သတိဆွယ်

ရည်ရွယ်တော့ သလား။

ခူးပါနဲ့ကွယ်

ပွင့်ဖူးမှာ အ၀ါခြယ်၍

မာလာအလယ်မှာ နွှဲ့ချင်တဲ့ နှလုံးသားရယ်ကြောင့်

မာန်အင်ကို ဥာဏ်ဆင်မွေးကာပါ့

အရေး အခါသာမှ

ခမျာမှာ တစ်ဂုဏ်ဆန်းရတယ်

ပန်းပိတောက်များ။

0 comments

လွန်ခဲ့သည့် ၁၉၆၅ ခု ဇွန်လထဲ၌ အမေရိကန်ပြည်ထောင်စု စာပေဆိုင်ရာ ပုဂ္ဂိုလ်များက ၀ါရှင်တန် မြန်မာသံရုံးမှ တစ်ဆင့် ဆရာ မင်းသုဝဏ်ထံသို့ အကြောင်းကြားစာ ပေးပို့သည်။ ထိုစာနှင့်အတူ ပန်းချီကားပုံတူ တစ်ကားကိုလည်း ပေးပို့သည်။ ပန်းချီကားမှာ အမေရိကန် စာရေးဆရာကြီး နိုဗယ်ဆုရ ၀ီလျံဖော့ကနာ ရေးဆွဲသော “ဟင်နရီ” အမည်ရှိ ပန်းချီကား ဖြစ်သည်။ လူသားတို့၏ လေးစားဖွယ် စိတ်ဓါတ်ကို ဖော်ကျူးသော ပန်းချီကား ဖြစ်သည်ဟု ဆိုသည်။

စာတွင် ထိုပန်းချီကားကို ဆရာ မင်းသုဝဏ် ရှုကြည့်ပါ။ ထို့နောက် ထိုပန်းချီကားကို ရှုကြည့်ရာမှ လူသားတို့၏ မြတ်နိုးဖွယ် စိတ်ဓာတ်နှင့် ပတ်သတ်၍ ခံစားမိ၊ ဆင်ခြင်မိ၊ တွေးတောမိသည် တို့ကို ဆရာမင်းသုဝဏ်က မြန်မာကဗျာတစ်ပုဒ် ဖွဲ့ဆိုပေးပါဟု မေတ္တာရပ်ခံထားသည်။ ဖွဲ့ဆိုပေးရာ၌ ဆရာမင်းသုဝဏ်၏ မြန်မာလက်ရေးမူဖြင့်ပင် ဖွဲ့ဆိုပေးပါရန် တောင်းခံသည်။ ထိုသို့ ဆရာမင်းသုဝဏ် ဖွဲ့ဆိုပေးသော ကဗျာကိုလည်း “ကမ္ဘာ့သက်ရှိ ကဗျာဆရာကြီးများ” အမည်ဖြင့် ထုတ်ဝေမည့် ကဗျာစာအုပ်တွင် အင်္ဂလိပ်ဘာသာပြန် နှင့်အတူ ပူးတွဲထည့်သွင်း ဖော်ပြခွင့်ပြုပါရန်လည်း မေတ္တာရပ်ခံထားသည်။

“ကမ္ဘာ့သက်ရှိ ကဗျာဆရာကြီးများ” ကဗျာစာအုပ်မှာ အမေရိကန်နိုင်ငံက ထုတ်ဝေမည့် The World’s Great Living Poets အမည်ရှိ စာအုပ်ဖြစ်သည်။ ထိုစာအုပ်တွင် ကမ္ဘာအရပ်ရပ်ရှိ နိုင်ငံတစ်နိုင်ငံစီမှ ကဗျာဆရာကြီး တစ်ဦးစီ၏ ကဗျာတစ်ပုဒ်စီ ပါရှိမည်။ ကဗျာဆိုရာ၌ ဖော်ပြပါ “ဟင်နရီ” ပန်းချီကားကို ရှုကြည့်ပြီး ဖွဲ့ဆိုထားသော ကဗျာဖြစ်သည်။ မိမိတို့ တိုင်းရင်းဘာသာ အသီးသီးဖြင့် ဖွဲ့ဆိုပေးသည်ကို သက်ဆိုင်ရာက အင်္ဂလိပ်ဘာသာဖြင့် ပြန်ဆိုပူးတွဲ ဖော်ပြမည်ဖြစ်သည်။ ကဗျာနှင့်အတူ ကဗျာဆရာ၏ ဓါတ်ပုံ၊ ကဗျာဆရာ၏ အတ္ထုပတ္တိ အကျဉ်းပါ ပါရှိမည်။ ထိုကဗျာစာအုပ်ကို စောင်ရေပေါင်း အမြောက်အမြား ရိုက်နှိပ်ကာ ကမ္ဘာအနှံ့၊ ကမ္ဘာ့တက္ကသိုလ်များအနှံ့ ဖြန့်ဖြူးမည် ဆိုသည်။ ထိုကဗျာစာအုပ်တွင် ဖော်ပြခြင်း ခံရသော ကဗျာဆရာကြီးများ၏ လက်ရေးမူကဗျာများကို အမေရိကန်နိုင်ငံရှိ အကြီးဆုံး ပိဋ္ဋကတ်တိုက်ကြီး၌ ဖြစ်စေ၊ တက္ကသိုလ်၌ ဖြစ်စေ မပျောက်မပျက်ရအောင် ထိန်းသိမ်း စောင့်ရှောက်ထားမည်။ ကျောင်းသားများ၊ စာရေးဆရာများ၊ သုတေသီများ လေ့လာနိုင်ရန် စီစဉ်ပေးမည် ဟုလည်းဆိုသည်။

ထိုကဗျာစာအုပ်ကြီး၌ ထည့်သွင်းနိုင်ရန် နိုင်ငံအသီးသီးမှ ကဗျာဆရာကြီးများကို ရွေးချယ်ခဲ့ကြသည်။ မြန်မာနိုင်ငံအနေဖြင့် ဆရာမင်းသုဝဏ်ကို ရွေးချယ်ကာ အထက်ပါအတိုင်း ကဗျာဖွဲ့ဆိုရန် မေတ္တာရပ်ခံခြင်း ဖြစ်သည်။ ထို့ကြောင့် ဆရာမင်းသုဝဏ်က ကဗျာသစ် မဖွဲ့တော့ပဲ အကျိုးအကြောင်း ရှင်းပြကာ “ပျဉ်းမငုတ်တို” ကဗျာကိုပင် ပေးပို့လိုက်သည်။သူငယ်ချင်း၊ မိတ်ဆွေအားလုံး သိရှိခံစားနိုင်ရန်နှင့် ဗဟုသုတရစေရန် ရည်ရွယ်၍ ဆရာမင်းယုဝေ ရေးသားသော “ပထမမြန်မာများ” စာအုပ်မှ ကောက်နှုတ်ဖော်ပြပေးလိုက်ပါတယ်

“ပျဉ်းမငုတ်တို”

ဖုထစ်ရွတ်တ၊ ဌက်လင်းတသို့

ပျဉ်းမငုတ်တို၊ သက်ကျားအိုသည်

ကုန်းမို့ထက်တွင် တစ်ပင်တည်း။

ခွဆုံအကွေး၊ သစ်ခေါင်းဆွေးလည်း

အဖေးတက်လာ၊ အိုင်းအမာသို့

ကျယ်စွာဟက်ပက် ခြအိမ်ပျက်။

ကုန်းမိုကမ်းပါး၊ မြေပက်ကြားတွင်

စစ်သားခမောက်၊ ပိန်ခြောက်ခြောက်လည်း

စစ်ရောက်စခန်း လက်ပြညွှန်း။

ထိုပင်ငုတ်တို၊ ပျဉ်းမအိုသည်

စစ်ကိုလည်း ကြုံ၊ ခြအုံလည်း ဖြစ်

ဓါးထစ်လည်း ခံ၊ နေလျှံလည်း တိုက်

လေပြင်းခိုက်လျက်၊ မငိုက် ဦးခေါင်း

နွေသစ်လောင်းသော်

ရွက်ဟောင်းညှာကြွေ၊ ရွက်သစ်ဝေ၍

လေပြည်ထဲတွင်၊ ငယ်ရုပ်ဆင်သည်

အသင်ယောက်ျားကောင်း တကား။

0 comments

ယခု ကျွန်တော်တင်ပြသော အကြောင်းအရာ အားလုံးသည် ဆရာ မင်းယုဝေ ရေးသားသော “ပထမ မြန်မာများ” စာအုပ်မှ ထုတ်နုတ်တင်ပြခြင်း ဖြစ်ပါသည်။ သူငယ်ချင်း၊ မိတ်ဆွေအားလုံး ဗဟုသုတရစေရန်၊ လေ့လာသိရှိနိုင်ကြစေရန် ရေးသား ဖော်ပြလိုက်ရခြင်း ဖြစ်ပါသည်။

မက္ခရာ မင်းသားကြီး

(ပထမ အင်္ဂလိပ်-မြန်မာ အဘိဓာန်ဆရာ)

မြန်မာ့သမိုင်း၌ ကျွန်တော်သိသော “မက္ခရာမင်းသား” နှစ်ပါးရှိသည်။ တစ်ပါးမှာ အမရပူရ ပထမမြို့တည် ဗဒုံမင်းတရား (ဘိုးတော်ဘုရား)၏ သားတော် ဖြစ်သည်။ ငယ်မည် မောင်ပျိုး၊ ဘွဲ့အမည် မင်းရဲကျော်စွာ ဖြစ်သည်။ နောင်အခါ မက္ခရာမြို့ကို စားရသဖြင့် မက္ခရာ မင်းသားဟု တွင်သည်။ အင်းဝဘုရင် ဘကြီးတော်နှင့် သာယာဝတီမင်းတို့၏ ဦးလေးတော် ဖြစ်သည်။ မြန်မာနိုင်ငံကို ခေတ်သစ် ထူထောင်လိုသူအဖြစ် လည်းကောင်း၊ အင်္ဂလိပ်-မြန်မာ အဘိဓာန်ကို ပြုစုသူအဖြစ် လည်းကောင်း ထင်ရှားသည်။
ကျန်တစ်ပါးမှာမူ ရတနာပုံ ပထမမြို့တည် မင်းတုန်းမင်း၏ သားတော် ဖြစ်သည်။ ငယ်မည် မောင်သန့်၊ ဘွဲ့မည် မင်းရဲစည်သူ ဖြစ်သည်။ နောင်အခါ မက္ခရာမြို့ကို စားရသဖြင့် မက္ခရာမင်းသား တွင်သည်။ အိမ်ရှေ့စံ ကနောင်မင်းသား လွန်ပြီးနောက် ကနောင်မင်းသား အုပ်ချုပ်ခဲ့သည့် ရတနာပုံ စက်ရုံများကို အုပ်ချုပ်ခဲ့သူ ဖြစ်သည်။ မင်းတုန်းမင်း၏ အရိုက်အရာကို ဆက်ခံထိုက်သူ အရည်အချင်း ပြည့်သော သားတော်ကြီးတစ်ပါး အဖြစ် ထင်ရှားသည်။ သီပေါမင်းကို နန်းတင်စဉ် မင်းညီမင်းသား အများ ကွပ်မျက်ခံရရာ၊ ထိုမင်းသားလည်း ကွပ်မျက်ခံရရှာသည်။
ယခု တင်ပြလိုသူမှာ အဘိဓာန်ဆရာ မက္ခရာမင်းသားကြီးပင် ဖြစ်သည်။ အမေရိကန် သာသနာပြုဆရာ ဒေါက်တာ ဂျပ်ဆင်၏ မှတ်တမ်းများအရ မက္ခရာ မင်းသားကြီးသည် ရုပ်ရည်ရူပကာ တင့်တယ်သည်။ သို့ရာတွင် ခြေလက်တို့မှာ လေဖြတ်ထားသဖြင့် မသန်မစွမ်း ဖြစ်နေသည်ဟု ဆိုသည်။
ယင်းသို့ ဖြစ်လင့်ကစား မင်းသားကြီးသည် ဘ၀ကို အရှုံးမပေး။ နိုင်ငံနှင့် လူမျိုးအကျိုးကို အစွမ်းကုန် ဆောင်ရွက်ခဲ့သည်။ ဆောင်ရွက်သည် ဆိုရာ၌ နိုင်ငံရေးအရ မဟုတ်။ စာပေရေး၊ ပညာရေးအရ ဆောင်ရွက်ခြင်း ဖြစ်သည်။ ထိုစဉ်က မြန်မာတို့သည် အနောက်တိုင်း ၀ိဇ္ဇာ၊ သိပ္ပံ ပညာရပ်များကို မတတ်မြောက်ကြသေး၊ ခေတ်မမီကြသေး။ ကမ္ဘာပြားသည် ဟူသော အယူကိုပင် ယူကြဆဲဖြစ်သည်။ ထိုအချက်ကို မင်းသားကြီးသည် ကောင်းစွာ သတိပြု ဆင်ခြင်မိသည်။ မင်းသားကြီးသည် အင်းဝ နေပြည်တော်ရောက် ပေါ်တူဂီလူမျိုးများ၊ အင်္ဂလိပ်လူမျိုးများနှင့် ဆက်ဆံရာတွင် ထိုသူတို့မှတစ်ဆင့် ခေတ်မီ ၀ိဇ္ဇာသိပ္ပံ ပညာရပ်များ၏ သဘောကို သိရှိ နားလည်ခဲ့သည်။ ထိုပညာရပ်များကို တတ်မြောက်မှသာ မြန်မာတို့ ခေတ်မီ နိုင်မည်ဟု သဘောပေါက်ခဲ့သည်။ တစ်ဖက်က နယ်ချဲ့ရန်လည်း ရှိနေရာ ထိုသို့ ခေတ်မီမှလည်း နယ်ချဲ့ရန်ကို တွန်းလှန်နိုင်မည်ဟု မြင်ခဲ့ဟန်တူသည်။ ထို့ကြောင့် မြန်မာများ ခေတ်မီရေးကို မင်းသားကြီးသည် အစွမ်းကုန် ကြိုးပမ်းခဲ့လေသည်။
မင်းသားကြီးသည် အင်းဝသို့ ရောက်ရှိနေသည့် အင်္ဂလိပ် ကုန်သည်ကြီး မစ္စတာ ရော်ဂျာထံမှ အင်္ဂလိပ်စာကို သင်ယူသည်။ ထို့နောက် အင်္ဂလိပ်ဘာသာဖြင့် ရေးထားသည့် အနောက်တိုင်း ၀ိဇ္ဇာသိပ္ပံဆိုင်ရာ ပညာရပ်များကို လေ့လာဆည်းပူးသည်။ အထူးသဖြင့် “ရီး၏ စွယ်စုံကျမ်း (Ree’s Encyclopedia) ကိုလေ့လာ ဆည်းပူးသည်။ မြန်မာအမျိုးသားတို့ လေ့လာ ဆည်းပူးနိုင်ရန်လည်း ထိုကျမ်းပါ သိပ္ပံပညာရပ်အချို့ကို မြန်မာဘာသာ ပြန်ဆိုသည်။
မင်းသားကြီးသည် အလွန်ခေတ်မီသူ ဖြစ်သည်။ သူ့အိမ် စာကြည့်ဆောင် နံရံတွင် အပူအအေး ချိန်သော သာမိုမီတာနှင့် လေဖိအား ချိန်သော ဘရိုမီတာတို့ကို အမြတ်တနိုး ချိတ်ဆွဲထားသည်။ ကမ္ဘာလုံးသည် ဟူသော အယူအဆကိုလည်း နှစ်သက်လက်ခံ ယုံကြည်ထားသည်။ ထိုစဉ်က ထိုအယူအဆကို လက်ခံသူမှာ မြန်မာအမျိုးသားတို့ အထဲတွင် အလွန် ရှားပါးလှသည်။ မင်းသားကြီးသည် လော်ဂရစ်သမ် ဂဏန်းသင်္ချာ တွက်နည်းကို အင်းဝရောက် အင်္ဂလိပ်ကုန်သည်ကြီး မစ္စတာလိန်းထံက သင်ကြားလေသည်။
ဘကြီးတော်လက်ထက် ၁၈၂၆ ခုတွင် ပထမ အင်္ဂလိပ်-မြန်မာ စစ်ပွဲ ဖြစ်ပွားသည်။ ၂နှစ်ခန့် တိုက်ခိုက်ကြပြီးနောက် မြန်မာတို့ အရေးနိမ့်သဖြင့် စစ်ပြေငြိမ်းကြသည်။ ရန္တပိုစာချုပ်ကို ချုပ်ဆိုကြသည်။ စာချုပ်အရ မြန်မာတို့က အင်္ဂလိပ်တို့အား ရခိုင်တိုင်းနှင့် တနသာင်္ရီတိုင်းတို့ကို ပေးလိုက်ရသည်။ နှစ်နိုင်ငံ ဆက်ဆံရေး လွယ်ကူစေရန် မြန်မာနေပြည်တော် အင်းဝနှင့် အင်္ဂလိပ်ပိုင် ကာလကတ္တားတို့တွင် အရေးပိုင် ၀န်ကြီးတစ်ဦးစီ ခန့်ထားကြသည်။
အင်္ဂလိပ်တို့က အင်္ဂလိပ် စစ်ဗိုလ်မှူးကြီး ကာနယ် ဗားနေးကို အင်းဝသို့ အရေးပိုင်ဝန်ကြီးအဖြစ် ခန့်အပ် စေလွှတ်လိုက်သည်။ ကာနယ် ဗားနေးသည် အင်းဝတွင် ၇နှစ်တိုင် နေထိုင်လျက် အမှုထမ်းရွက်ခဲ့လေသည်။ ကာနယ် ဗားနေးသည် အင်းဝသို့ ရောက်သောအခါ မက္ခရာမင်းသားကြီးကို သွားရောက် တွေ့ဆုံလေသည်။ တွေ့ဆုံသည်မှာ တာဝန်အရ မဟုတ်၊ နိုင်ငံရေးအရ မဟုတ်။ အင်္ဂလိပ်စာ တတ်ကျွမ်း၍ ခေတ်မီ ၀ိဇ္ဇာသိပ္ပံ ပညာရပ်များကို လေ့လာလိုက်စားသူ ပညာရှင်တစ်ဦးကို လေးစား ကြည်ညိုသောအားဖြင့် သွားရောက် တွေ့ဆုံခြင်းသာ ဖြစ်သည်။
မင်းသားကြီးကလည်း ကာနယ်ဗားနေးကို ကောင်းစွာ ဆီးကြိုဧည့်ခံသည်။ မင်းသားကြီး၏ စာကြည့်ဆောင် နံရံတွင် သာမိုမီတာနှင့် ဘရိုမီတာတို့ ချိတ်ဆွဲထားသည်ကို ကာနယ်ဗားနေးသည် အံ့ချီးစွာ တွေ့ခဲ့ရသည်။ မင်းသားကြီးနှင့် ကာနယ်ဗားနေးတို့ ပြောဆို ဆွေးနွေးကြသည်တို့မှာ စိတ်ဝင်စားဖွယ် ကောင်းလှသည်။ မင်းသားကြီးက ကာနယ်ဗားနေးအား လန်ဒန်၊ ကာလကတ္တား၊ အင်းဝ၊ ဘန်ကောက်မြို့များ၏ လတ္တီကျူ မျဉ်းကြောင်းများ၊ လောင်ဂျီကျူ မျဉ်းကြောင်းများကို မေးသည်။ အဘယ့်ကြောင့် သင်္ဘောသား အိမ်မြှောင် မြောက်ဘက်သို့သာ ခေါင်းလှည့် နေတတ်သည်ကိုလည်း မေးသည်။ ကောင်းကင်၌ ဒုတိယအကြိမ် ပေါ်ထွက်လာသော ကြယ်တံခွန် အကြောင်းကိုလည်း မေးသည်။ သာမိုမီတာနှင့် ဘရိုမီတာတို့ကို မည့်ကဲ့သို့ စီရင် ပြုလုပ်သည်ကိုလည်း မေးသည်။ ထို့ပြင် မင်းသားကြီးက အက္ခရာသင်္ချာကို သူအလွန် တတ်ကျွမ်းလိုကြောင်းလည်း ပြောလေသည်။
ကာနယ်ဗားနေးသည် မင်းသားကြီး၏ ပညာဗဟုသုတကို အထူးလေးစား ချီးကျူးမိသည်။ မင်းသားကြီးကို အထူးလေးစား ကြည်ညိုမိသည်။ ထို့ကြောင့် သူ၏မှတ်တမ်းတွင် “ကျွန်ုပ်သည် မင်းသားကြီး၏ ဗဟုသုတ စုံလင်ပုံကို မချီးမွမ်းဘဲ မနေနိုင်ပါ။ ဤမြန်မာနိုင်ငံတွင် မင်းသားကြီးကဲ့သို့ ပညာဗဟုသုတ ပြည့်စုံ ၍ ဉာဏ်ထက်မြက်သော ပုဂ္ဂိုလ်မျိုးကို မတွေ့ဖူးပါ။ ဤမင်းသားကြီးကဲ့သို့ ပညာဗဟုသုတ အရာတွင် အငတ်မပြေ သိကျွမ်းလိုသော သူမျိုးကို မတွေ့ဖူးပါ” ဟူ၍ ရေးထားခဲ့လေသည်။
မင်းသားကြီးသည် သိပ္ပံပညာကို အထူး ၀ါသနာထုံသူ ဖြစ်သည်။ ကာနယ်ဗားနေးနှင့် သာမက အခြား နိုင်ငံခြားသား ပုဂ္ဂိုလ်များနှင့်လည်း သိပ္ပံပညာအကြောင်း ဆွေးနွေးတတ်သည်။ ကာနယ်ဗားနေးနှင့် မတွေ့မီ ၁၈၂၂ ခုတွင် ဒေါက်တာ ဂျပ်ဆင်နှင့် တွေ့ဆုံစဉ်ကလည်း သိပ္ပံပညာအကြောင်း ဆွေးနွေးခဲ့ဖူးသည်။ ဒေါက်တာဂျပ်ဆင်က နက္ခတ္တဗေဒနှင့် ပထ၀ီပညာများကို သူနှင့် မက္ခရာမင်းသားကြီးတို့ ဆွေးနွေးခဲ့ကြောင်း မှတ်တမ်းတင်ထားသည်။ ယင်းသို့ မှတ်တမ်းတင်ရာ၌ မက္ခရာမင်းသားကြီးသည် အနောက်တိုင်း သိပ္ပံပညာကို အထူး လေ့လာလိုက်စားသူ ဖြစ်သည်ဟူ၍လည်း မှတ်ချက်ချထားပေသည်။
မင်းသားကြီးသည် ထိုစဉ်က အင်္ဂလိပ်စာပေ၌ ခေတ်စားသည့် ဂျွန်ဆင်၏ အင်္ဂလိပ် အဘိဓာန်ကို အခေါက်ခေါက် အခါခါ လေ့လာသည်။ ယင်းသို့ လေ့လာရာမှ အင်္ဂလိပ်-မြန်မာ အဘိဓာန် တစ်စောင် ကြိုးပမ်းပြုစုရသော် နိုင်ငံနှင့် လူမျိုးအတွက် အကျိုးရှိပေအံ့။ မြန်မာတို့ အင်္ဂလိပ်ဘာသာ တတ်ကျွမ်းရေးအတွက် အထောက်အကူ ရပေအံ့။ ခေတ်မီ ၀ိဇ္ဇာသိပ္ပံ ပညာရပ်များကို လေ့လာရာတွင် လည်းကောင်း၊ ယင်းတို့ကို မြန်မာဘာသာ ပြန်ဆိုရာတွင် လည်းကောင်း ကြီးစွာသော အထောက်အကူ ရပေအံ့ဟု ဆင်ခြင်မိရာသည်။
ထို့ကြောင့် သူ့ကို လောဂရစ်သမ် ဂဏန်းသင်္ချာ သင်ပေးခဲ့ဖူးသည့် အင်္ဂလိပ်ကုန်သည်ကြီး မစ္စတာ ချားလိန်းနှင့် တွဲဖက်လျက် အင်္ဂလိပ်-မြန်မာ အဘိဓာန်ကို တီထွင်ပြုစုလေသည်။ ပြုစုရာ၌ မစ္စတာလိန်းက ရှေးဦးစွာ အင်္ဂလိပ် အဘိဓာန်ကို မြန်မာဘာသာ ပြန်ဆိုသည်။ ထို့နောက် မြန်မာဘာသာ ပြန်ချက်ကို မင်းသားကြီးက စေ့စပ်သေချာစွာ ပြင်ဆင်တည်းဖြတ်ပေးသည်။ ယင်းအဘိဓာန်ကို ၁၈၃၃ ခုတွင် စတင် ကြိုးပမ်းပြုစုသည်။ ၁၈၄၁ ခုတွင် ကာလကတ္တားမြို့၊ သာသနာပြု ပုံနှိပ်တိုက်၌ ပုံနှိပ် ထုတ်ဝေနိုင်ခဲ့သည်။ အဘိဓာန်အရွယ်မှာ ဒီမိုင်း ဆိုဒ်ကြီးဖြစ်၍ စာမျက်နှာ ၄၈၆ မျက်နှာ အထူရှိသည်။
ယင်းအဘိဓာန် နိဒါန်းကို မက္ခရာမင်းသားကြီး ကိုယ်တိုင် မြန်မာဘာသာဖြင့် ရေးသားသည်။ နိဒါန်းတွင် ယင်းအဘိဓာန် ထုတ်ဝေရခြင်း၏ ရည်ရွယ်ချက်ကို မင်းသားကြီးက ဤသို့ ရေးထားသည်။
“အထူးထူးသော ဘာသာ၊ များစွာသော လူမျိုးတို့တွင် အင်္ဂလိပ်လူမျိုးသည် ဟုတ်မှန်သော၊ ထင်ရှား မျက်မှောက်တွေ့မြင်သော အတတ်ပညာကိုသာ ရှာဖွေ နှိုင်းယှဉ်ပြီးလျှင် ရုံးစု မှတ်သားလေ့ရှိသည် ဖြစ်၍ အင်္ဂလိပ်ဘာသာကို နားလည် သိမြင်ခြင်းသည် ဗဟုသုတအရာ၌ များစွာ အကျိုးရှိသည်။ ထို့ကြောင့် ဗဟုသုတကို အလိုရှိကုန်သော မြန်မာလူမျိုးတို့အား အင်္ဂလိပ်ဘာသာကို မြန်မာဘာသားအားဖြင့် နားလည် သိမြင်စေခြင်း အကျိုးဌာ မက္ခရာမင်းသားက သင်္ဘောသူကြီး ကပ္ပတိန်လျင်ကို အင်္ဂလိပ် အဘိဓာန်စာ ရှိသည်အတိုင်း မြန်မာဘာသာ မှန်ကန်အောင် ပြန်ဆိုပါဆို၍ မြန်မာသက္ကရာဇ် ၁၁၉၅ ခုနှစ်၊ အင်္ဂလိပ်သက္ကရာဇ် ၁၈၃၃ ခုနှစ်မှစ၍ ပြန်ဆိုရေးသားသည်။ ပြန်ဆိုအပ်သော အဘိဓာန်စာသည်ကား အင်္ဂလိပ်အက္ခရာကို ဖတ်နိုင်ကာမျှ သင်ပြီး၍ ရှေ့နောက်စကား ကြည့်ရှုမှတ်သားပြီးလျှင် ထိုအဘိဓာန်စာကို အမှီပြု၍ အင်္ဂလိပ်ပညာစာ ၄၅ မှစ၍ အင်္ဂလိပ်စာတို့ကို မြန်မာဘာသာအားဖြင့် သိမြင် နားလည်နိုင်ရာသည်။”
ယနေ့ဆိုလျှင် ယင်းအဘိဓာန်ကြီး ပေါ်ထွက်ခဲ့သည်မှာ နှစ်ပေါင်း ၁၂၀ ကျော် ရှိခဲ့ပြီ။ ယင်းအဘိဓာန်သည် မြန်မာနိုင်ငံသားတို့ကို အင်္ဂလိပ်ဘာသာ သင်ကြားရာ၌ ကောင်းစွာ အထောက်အကူ ပြုနိုင်ခဲ့သည်။ မြန်မာဘာသာ သင်ကြားသော နိုင်ငံခြားသားများကိုလည်း ကောင်းစွာ အထောက်အကူ ပြုခဲ့သည်။ ထို့ပြင် “လမ်းရိုးဟောင်းတွင်၊ ဆင့်ကာထွင်သို့၊ သုတ်သင်ကာမျှ၊ လွယ်ကာရလိမ့်” ဟူသော ဆောင်ပုဒ်နှင့်အညီ နှောင်းအဘိဓာန် ဆရာများကိုလည်း ကောင်းစွာ အထောက်အကူ ပြုခဲ့ပေသည်။
ယင်းအဘိဓာန်ကို ပထမအကြိမ်သာ ရိုက်နှိပ်နိုင်ခဲ့သဖြင့် ယခုအခါတွင် အလွယ်တကူ ရှာဖွေ မတွေ့နိုင်တော့ပေ။ သို့ရာတွင် ကျွန်တော် သိရသမျှ မပျက်မစီးဘဲ ကြွင်းကျန်နေသေးသည့် ယင်းအဘိဓာန် နှစ်အုပ်ကား ရှိနေသေးသည်။ တစ်အုပ်မှာ အမေရိကန်ပြည်ထောင်စု၊ ၀ါရှင်တန်မြို့ ကွန်ဂရက် စာကြည့်တိုက်တွင် ရှိသည်။ တစ်အုပ်ကား ရန်ကုန်မြို့ ယဉ်ကျေးမှုဌာန၊ အမျိုးသားစာကြည့်တိုက်တွင် ရှိသည်။ မြန်မာစာပေသမိုင်းတွင် ဒေါက်တာ ဂျပ်ဆင်၏ အင်္ဂလိပ်-မြန်မာ အဘိဓာန်၊ ဦးရွှေကြူး၏ အင်္ဂလိပ်-မြန်မာ အဘိဓာန်၊ ဒေါက်တာဘဟန်၏ အင်္ဂလိပ်-မြန်မာ အဘိဓာန်များ ရှိရာ၊ မက္ခရာမင်းသားကြီး၏ ဤ အင်္ဂလိပ်-မြန်မာ အဘိဓာန်သည် အစောဆုံး ဖြစ်ပေသည်။ ဤတွင် အင်္ဂလိပ်-မြန်မာ အဘိဓာန်ပြုစုသော မြန်မာ လူမျိုးများထဲတွင် မက္ခရာ မင်းသားကြီးသည် ပထမဆုံး ဖြစ်သည်ဟု ဆိုရပေမည်။
မက္ခရာမင်းသားကြီးသည် ပညာအရာတွင် ထက်မြက်ရုံမျှမက သိက္ခာ၊ သမာဓိနှင့်လည်း အထူး ပြည့်စုံဟန်တူသည်။ နောင်တော် ဘကြီးတော်မင်းကို သာယာဝတီမင်းသား ပုန်ကန်သောအခါ စေ့စပ် ဆွေးနွေးရေးအတွက် မက္ခရာ မင်းသားကြီးပင် ဦးဆောင် ဆောက်ရွက်ခဲ့ရပေသည်။
မင်းသားကြီးသည် မြန်မာသက္ကရာဇ် ၁၁၅၃ ခုနှစ်တွင် ဖွား၍ ၁၂၁၀ ပြည့်နှစ်၊ အသက် ၅၇ နှစ် အရွယ်တွင် လွန်သည်။

0 comments

ဖြစ်ရမယ်

တနေ့ထောင်ထဲကို ထောင်ကျ အကျဉ်းသားသစ် တစ်ယောက် ရောက်လာတယ်။ အကျဉ်းသားဟောင်းတွေက ၀ိုင်းမေးကြတာပေါ့။ “မင်းဘာအမှုနဲ့ ကျလာတာလဲ” အကျဉ်းသားဟောင်း တစ်ယောက်က မေးလိုက်တယ်။ အကျဉ်းသားသစ်က ပြန်ဖြေတယ် “ငါးခိုးဖမ်းမှုနဲ့ပါ” သြော် “ဘယ်နှနှစ်ကျတာလဲ” အကျဉ်းသားသစ်- “အနှစ် ၃၀” ဟမ် ဟုတ်ပမလားကွ မင်းကဘယ်လို ဖမ်းလို့လဲကွ အကျဉ်းသားသစ်- “ရေထဲမှာ ငါးတွေ့တာနဲ့ ဒိုင်းနမိုက်ကို ချခွဲလိုက်တယ်။ ငါး (၃)(၄)ကောင်နဲ့အတူ ရေငုပ်ဝတ်စုံနဲ့ လူ(၃)ယောက်ပါ ထပ်ပေါ်လာတယ်လေ”

0 comments

တွေးစရာလေးများ ၂

“ကမ္ဘာကြီးဘာကြောင့် တိမ်းစောင်းနေလဲ”

တစ်ခါက ပညာရေးဝန်ကြီး တစ်ဦးဟာ ကျောင်းတစ်ကျောင်းကို ကြည့်ရှုစစ်ဆေးဖို့ သွားရောက်ခဲ့တယ်။ အတန်းတစ်တန်းထဲ ၀င်ကြည့်တော့ အခန်းထဲမှာ ကမ္ဘာလုံး တလုံး တင်ထားတာတွေ့လို့ ကျောင်းသားတစ်ယောက်ကို ခေါ်ပြီး.... “ဒီကမ္ဘာကြီးဟာ ဘာလို့ ၂၃ နှစ်ပိုင်းတစ်ပိုင်း ဒီဂရီ တိမ်းစောင်းနေသလဲ” လို့ မေးလိုက်တယ်။ အမေးခံရတဲ့ ကျောင်းသားက ပျာပျာသလဲ “ကျွန်တော် လုပ်တာမဟုတ်ဘူး...” လို့ ပြန်ဖြေတယ်။ ပညာရေးဝန်ကြီးက နောက်ဝင်လာတဲ့ ကျောင်းသားတစ်ဦးကို ထပ်မေးလိုက်ပြန်တယ်။ ကျောင်းသားက လက်ကာပြပြီး “ကျွန်တော် အခုမှ ၀င်လာတာ... ကျွန်တော်လုပ်တာ မဟုတ်ဘူး” လို့ ဖြေပြန်တယ်။ ပညာရေးဝန်ကြီးက ဆရာဖက်လှည့်ပြီး “ဒါ...ဘယ်လိုဖြစ်ရတာလဲ” လို့ (ဆရာက တပည့်တွေကို ဘယ်လို သင်ခဲ့သလဲ ဆိုတဲ့ ပုံစံနဲ့) မေးလိုက်တယ်။ ဆရာက တောင်းပန်တဲ့ လေသံနဲ့ “သူတို့ကို အပြစ်တင်လို့ မရဘူး... ဒီကမ္ဘာလုံးက ၀ယ်လာကတည်းက ၂၃ နှစ်ပိုင်းတစ်ပိုင်း ဒီဂရီ တိမ်းစောင်းနေတာပါ” လို့ ပြန်ဖြေတယ်။ ပညာရေးဝန်ကြီးက ခရမ်းချဉ်သီးမှည့်လို ပေါက်ကွဲတော့မယ့် မျက်နှာနဲ့ ကျောင်းအုပ်ကြီးဖက် လှည့်ကြည့်လိုက်တယ် ဆိုရင်ပဲ ကျောင်းအုပ်ကြီးက “ပြောရမှာ အားတော့နာတယ်... ကျောင်းက ရန်ပုံငွေ အခက်အခဲ ဖြစ်နေလို့ ဒီကမ္ဘာလုံးကို လမ်းဘေးဈေးမှာ ၀ယ်ခဲ့လို့ အခုလို တိမ်းစောင်းနေတာပါ” လို့ ပြန်ဖြေလိုက်တော့တယ်။

“အသည်းတော့အသည်းပဲ”

တစ်နေ့ ကျောင်းတစ်ကျောင်းမှာ ဆရာမက သူ့တပည့်တွေကို ပုံဆွဲနည်း သင်ပေးနေတုန်း “ကဲ.. အခု အသည်းပုံဆွဲနည်း သင်ပေးမယ်နော်။ သေချာလိုက်ဆွဲကြနော်” ကလေးတွေအားလုံး ဆွဲပြီးတဲ့ အချိန်ကျတော့ ရှေ့ဆုံးကျောင်းသား ဆွဲတဲ့ပုံကို ယူကြည့်လိုက်တယ်။ “ဟင်... သားသား... သားအသည်းပုံက ဘာလို့ ခြေထောက် ထည့်ထားရတာလဲ၊ ဆရာမဆွဲတဲ့ထဲမှာ မပါဘူးလေသားရဲ့“ ဒါနဲ့ ကလေးက “မဟုတ်ဘူး ဆရာမ သားသား အဖေပြောတာ ကြားဖူးတယ် အသည်းမှာ ခြေထောက်ပါတယ် ဆရာမရဲ့” အဲဒီတော့ ဆရာမက “သားဖေဖေက ဘယ်လိုပြောတာတုန်း” ကျောင်းသားကလေးက ဆက်ပြောတယ်။ “ ဟိုတစ်နေ့ညက သားအိပ်ယာနိုးတော့ ဖေဖေကပြောနေတာ “အသည်းခြေထောက်တော့ နင်းမိတော့မှာပဲ အသည်းခြေထောက် ဟိုဘက် နည်းနည်းတိုးတဲ့” အဲဒီတော့မှ ဆရာမလည်း အဖြစ်မှန်ကို ရှင်းရှင်းလင်းလင်း သိရတော့တယ်။

0 comments

တွေးစရာလေးတွေပါ

ဖြစ်မှဖြစ်ရလေ

ကိုလိုနီခေတ်ကပေါ့.. အင်္ဂလိပ်လူမျိုး (၂)ယောက် တောရွာတစ်ရွာကို ရောက်လာတယ်။ အဲဒီမှာ သူတို့က အရက်သောက်ချင် လာတယ်ပေါ့။ ဒါနဲ့ ရွာထဲက အရက်ဆိုင်က ချက်တောအရက် (၂)လုံးဝယ်ကြတယ်။ အဲဒီမှာ သူတို့ ဒုက္ခရောက်ကြတာပဲ။ အင်္ဂလန်မှာဆို အရက်ကို ရေခဲစိမ်သောက်နေကြလေ။ မြန်မာချက်အရက်ကျ ဒီအတိုင်း မသောက်တတ်ကြဘူး။ ဒီတော့ ဘယ်လိုလုပ်လဲဆိုတော့ အရက်ပုလင်းကို ကြိုးချည်၊ ရေစွတ်ထားတဲ့ အ၀တ်ပတ်ပြီး ဟိုဘက်ဒီဘက် လွှဲကြတယ်။ နောက်လွဲတာကြာလာတော့ အရက်ပုလင်းက အေးလာတယ်လေ။ အဲဒီကျမှ နှစ်ယောက်သား ဖောက်သောက်ကြတယ်။ ရွှေဥာဏ်တော် စူးရောက်ကြပုံက.... သြော်.. ဒါကြောင့် သူတို့လူမျိုးတွေ တိုးတက်ကြတာ၊ တော်ကြတာကိုးလို့ ကိုယ့်ဘာသာတွေးတောမိတယ်.....

သတ်ပုံမှားတဲ့ည

မြန်မာစကားဟာ တော်တော်တော့ နားလည်ရခက်တယ်ဗျ။ စကားလုံးတစ်လုံးစီ တစ်လုံးစီရဲ့ အဓိပ္ပာပယ်ဟာ စဉ်းစားလေ ပိုရှုပ်လေပဲဗျ။ တစ်နေ့ ကရင်လူမျိုးလင်မယား (၂)ယောက်စီ ကျွန်တော်အလည် ရောက်သွားတယ်။ ဗျိုး... အမိုး ဘာလုပ်နေလဲ၊ ဖထီးတစ်ယောက် မမြင်ပါလားဗျ၊ ဝေး... နင်ဖထီးအကြောင်း အခုမှလာမေးနေတယ်၊ ငါသူနဲ့ စကားမပြောတာ အကြီးကောင် တစ်သက်ရှိပေါ့။ ဒါနဲ့ ပြောဖို့မေ့နေတာ သူတို့မှာ သားချည်း(၃)ယောက် ရှိတာ။ စကားမပြောတာ သားကြီးတစ်သက်တဲ့၊ သားကြီးအောက်မှာ အငယ်(၂)ကောင်နဲ့။ ကဲ... စဉ်းစားသာကြည့်ကြတော့ဗျာ၊ ကျွန်တော်တော့ အခုအချိန်ထိတွေးတယ်၊ စဉ်းစားတယ်။ ကျွန်တော် ဥာဏ်ရည်မမှီလို့လား မသိဘူး။ အခုအချိန်ထိ ဘယ်လိုမှ အဖြေကိုစဉ်းစားလို့ မရဘူးဗျာ။ ကျေးဇူးပြုပြီး မိတ်ဆွေတို့လည်း ကူညီပြီး စဉ်းစားပေးကြပါဗျာ။

ဒူးနေရာဒူး တော်နေရာတော်

တစ်နေ့ မိဘ(၂)ပါးဟာ သူတို့ သားလေးကို ဆုံးမနေတယ်။ ”သား လူများတွေနဲ့ ဆက်ဆံရာမှာ လိမ္မာ ယဉ်ကျေးရမယ်နော်။ စကားကို ချိုချိုသာသာ ပြောရမယ်။ လူတစ်ယောက်ကို တွေ့ရင် မင်္ဂလာပါခင်ဗျာ၊ ဘာစားပြီးပြီလဲ ခင်ဗျာ အဲလိုမေးရမယ်၊ ပြောရမယ် သိလား မှတ်ထားနော် သား”။ ဒါနဲ့ ကလေးက တစ်နေ့ အပြင်ထွက်တဲ့အခါ အိမ်တစ်အိမ်မှာ လူတွေစုရုံးစုရုံး တွေ့တာနဲ့ အိမ်ဝမှာ ရပ်နေတဲ့လူကြီးကို နှုတ်ဆက်လိုက်တယ်။ “ဦးလေး မင်္ဂလာရှိသောနေ့ တစ်နေ့ပါခင်ဗျာ”။ အဲလို ပြောလိုက်တဲ့အခါ လူကြီးကအရမ်း စိတ်ဆိုးပြီး ကလေးကို အော်ဟစ် လွှတ်တယ်။ ဒါနဲ့ ကလေးက ဘာလို့များပါလိမ့်ပေါ့ တွေးရင်း ဆက်ထွက်ခဲ့တယ်။ နောက်ထပ်လူကြီး တစ်ယောက်နဲ့ ထပ်တွေ့ ပြန်တယ်။ “ဦးလေ မင်္ဂလာပါ၊ ဘာစားပြီးပြီလဲ ခင်ဗျာ” အဲဒီလူကြီးကလည်း စိတ်ဆိုးမာန်ဆိုးနဲ့ “မင်းအသက်အရွယ်လေးနဲ့ လူကြီးကို နောက်စရာလား၊ ဘာလားနဲ့ ပေါ့”။ ကလေးလည်း စိတ်ညစ်ပြီး အိမ်ကို ပြန်လာခဲ့တယ်။ အိမ်ရောက်တော့ သူ့ အဖေနဲ့ အမေကို မေးတာပေါ့။ သားဖေဖေတို့ သင်တဲ့အတိုင်း တွေ့တဲ့လူတွေကို ယဉ်ယဉ်ကျေးကျေး နှုတ်ဆက်ပါတယ်။ ဒါပေမဲ့ သူတို့တွေက စိတ်ဆိုးမာန်ဆိုးနဲ့ အော်လွှတ်ကြတယ်ဗျ။ ကလေးပြောလို့ မှ မဆုံးသေးဘူး။ စောစောက သူနှုတ်ဆက်ခဲ့တဲ့ လူကြီးတွေက ဒေါကြီးမောကြီးနဲ့ အိမ်ကိုလာတိုင်ကြတယ်။ ခင်ဗျားသားကို သေသေချာချာ မဆုံးမထားဘူးလား။ သေချာပြောခိုင်းတာလား။ အိမ်မှာ နာရေးဖြစ်နေပါတယ် ဆိုနေမှ မင်္ဂလာရှိသောနေ့ လာပြောနေတယ်။ နောက်တစ်ယောက်ကလည်း လူကြီးကို လူကြီးမှန်းမသိဗျာ။ အိမ်သာက ပြန်လာတာကို ဘာစားပြီးပြီလဲလို့ ခင်ဗျားသားက လာနောက်တယ်။ လူကြီးကို နောက်စရာလားဗျ။ အဲဒါပါပဲ မိဘကတော့ ကောင်းစေချင်လို့ လိမ္မာစေချင်လို့ သင်တာကို ကလေးက သူ့နေရာနဲ့သူ မပြောတတ်တော့ ပြဿနာတတ်တော့ တာပေါ့။

0 comments

ကျန်တော် အခုတလော စိတ်ဓါတ် အရမ်းကျနေတယ်ဗျာ။ ကိုယ့်ကိုယ်ကို မနည်းအားတင်း ထားရတယ်။ လူက ပေါက်ကွဲ ထွက်ချင်နေတယ်။ စိတ်တွေမနည်း ထိန်းချုပ်ထားရတယ်။ ပို့စ်အသစ် မတင်ဖြစ်တာ ခွင့်လွှတ် ကြပါခင်ဗျာ။ စိတ်တည်ငြိမ်အောင် ကြိုးစားနေလို့ပါဗျာ။ ဟုတ်တယ် ကျုပ်အကိုအောင်ချမ်းတို့ ၊ အွန်လိုင်းက အားပေးကြတဲ့ အကိုတွေ၊ အမတွေသာ မရှိခဲ့ဘူးဆိုရင် ကိုယ့်ကိုယ်ကို ထိန်းချုပ်နိုင်မှာ မဟုတ်လောက်ဘူး။ လောလောဆယ် အားလုံးကို တွန်းလှန်ပြီး လဲပြိုကျမသွားအောင်၊ ဆက်လက် ရပ်တည် နေနိုင် အောင် ကိုယ့်ကိုယ်ကို အားတင်း ကြိုးစားနေတယ်...

ဘ၀ဟာ..လှေတစ်စင်း

ဖြစ်ခဲ့မယ်ဆိုရင်

လောကဓံတရားကို

လှော်တက်တွေအဖြစ် ပြောင်းလဲပြီး

ဘ၀ရဲ့ ရည်မှန်းချက် ပန်းတိုင်ကို

အရောက် လှော်ခတ် သွားလိုက်ချင်တယ်...

0 comments

မင်းကွန်းသို့ အပျော်ခရီး

ကျွန်တော်နဲ့ ပိုးပိုး

ခြင်္သေ့ခေါင်းပြတ်ကြီး

မင်းကွန်းခေါင်းလောင်းကြီး

မောင်နှမ(၄)ယောက်

မြသိန်းတန်စေတီတော်

မြသိန်းတန်စေတီပေါ်မှ ရိုက်ထားတာပါ

ရေတက်နေသော မင်းကွန်း

ပုထိုးတော်ကြီး

ကျွန်တော်နဲ့ ကျန်စစ်ဖုန်း

၁.၈.၂၀၀၇ရက်နေ့မှာ ကျွန်တော်ရယ်၊ ကျန်စစ်ဘုန်းရယ်၊ ညီမလေး ပိုးပိုးရယ်၊ သန္တာရယ် အားလုံးပေါင်း(၄) ယောက် မင်းကွန်းသွားမယ်ဆိုပြီး ထွက်ခဲ့ကြပါတယ်။ ချိန်းထားတာက မနက်(၁၀)နာရီဆိုပေမယ့် ညီမလေး (၂)ယောက်က နောက်ကျနေတာကြောင့် နေ့လည် ၁၁း၃၀ လောက်မှ မန္တလေးကထွက်ဖြစ်ခဲ့ကြပါတယ်။ အရေးထဲမှာ စက်လှေက လမ်းတစ်ဝက်ရောက်မှ ညှော်နံ့တွေထွက်၊ မီးခိုးတွေထွက်လာလို့ မီးများ ထလောင်ပြီလားလို့ အလန့်တကြားဖြစ်ရသေးတယ်။ ဘာလို့အဲဒီလို အလန့်တကြား ဖြစ်ရသလဲ ဆိုတော့ ကျွန်တော်က ရေလုံးဝမကူးတတ်လို့ပါ။ နောက်မှ အင်ဂျင်ပန်ကာကြိုးက စောင်းပြီးသွားပွတ်တိုက်မိလို့ ဖြစ်တာတဲ့။ အဲဒီတော့မှ လူလည်းသက်ပြင်းချနိုင်တော့တယ်။ ဧရာဝတီမြစ်ရေလျှံတာက မင်းကွန်းတောင်ရောက်တယ်ဗျာ။ မင်းကွန်းမှာလည်း အချို့နေရာတွေမှာ ရေတွေလွှမ်းနေတယ်။ ကျွန်တော်တို့ မင်းကွန်းရောက်တော့ နေ့လည် ၁၂း၃၀ ရှိပါပြီ။ စက်လှေက စုစုပေါင်း(၁)နာရီလောက် စီးလိုက်ရတယ်။ ဒါနဲ့ပန်းချီဆိုင်တွေမှာ ပန်းချီတွေငေးမောရင်း ထမင်းဆိုင်တွေ့လို့ ၄ယောက်သား ထမင်းစားကြပါတယ်။ ထမင်းစားသောက်ပြီးတော့ ပုထိုးတော်ကြီးဘုရားကို ၀င်ကြပါတယ်။ ပြီးတော့ မင်းကွန်းခေါင်းလောင်းကြီးဆီ ဆက်လက် ချီတက်ကြပါတယ်။ အဲဒီနောက် ညီမလေးသန္တာရဲ့ အိမ်ကိုသွားကြပြီး ခဏနားကြပါတယ်။ ခဏတဖြုတ်နားကြပြီး မြသိန်းတန်စေတီပေါ်တက်ကြပါတယ်။ မြသိန်းတန်ဘုရားကို ၀င်ရောက်ဖူးမြော်ပြီး အချိန်မရတော့တာနဲ့ မန္တလေးပြန်ဖို့ မြစ်ဆိပ်ကိုဆင်းခဲ့ကြပါတယ်။ မြစ်ဆိပ်ရောက်တော့ ညနေ(၄) နာရီထိုးနေပါပြီ။ စက်လှေတွေလည်း သိမ်းသွားပါပြီ။ ကံကောင်းချင်တော့ Tours မော်တော်တွေ့တာနဲ့ ညီမလေး သန္တာအကူအညီနဲ့ပြောပြီး တက်လိုက်ခဲ့ကြပါတယ်။ အရမ်းပျော်ဖို့ကောင်းတဲ့ နေ့တနေ့ပေါ့။

0 comments

ပုံပြင်လေး ပြောပြဦးမယ်နော်... မကြားဖူးသေးရင် သေချာဖတ်၊ ကြားဖူးပြီးသားသူက နောက်တခေါက် ပြန်ဖတ်ပေါ့...

“ဆီနဲ့ စမ်းသပ်ခြင်း”

တစ်ခါက အကျဉ်းသားမှာ အပြစ်ရှိ၊ မရှိ စမ်းသပ်လိုတဲ့ ဘုရင်ကြီးတစ်ပါး ရှိသတဲ့။ သူဟာ ဆီအပြည့်နဲ့ အိုးကို ခေါင်းပေါ်ရွက်ပြီး သယ်ဖို့ အကျဉ်းသားအား ပေးပါတယ်။ တကယ်လို့ အကျဥ်းသားအနေနဲ့ လူသူလေးပါး ယောက်ယက်ခတ်နေတဲ့ လမ်းထဲကနေ ဆီ တစက်လေးမျှ မဖိတ်အောင် သယ်နိုင်မယ်ဆိုရင် အပြစ်မရှိဘူး။ (အဲဒီအတွက်) သူ့ ကို လွှတ်ပေးမယ်။ ဒီလိုမှမဟုတ်ရင် ခေါင်းဖြတ်သတ်ခံရမယ်လို့ အမိန့် ချမှတ်တော်မူတယ်။
နောက်နေ့ မှာ ဘုရင်ကြီးက လမ်းထဲမှာ ပွဲလမ်းသဘင် ခမ်းခမ်းနားနားကျင်းပဖို့ အမိန့်တော်ချမှတ်လိုက်တယ်။ အလှမယ်လေးတွေက ကပြလို့ ၊ အရသာရှိတဲ့ အစားအစာတွေကလည်း မွှေးကြိုင်လို့ ၊ လမ်းဘေး ၀ဲယာမှာလည်း ဆူဆူညံညံ ပြပွဲတွေနဲ့ အကျဉ်းသားကို စွဲဆောင်ဖို့ လေ။
ဒါပေမဲ့ အကျဉ်းသားဟာ လမ်းအတိုင်း လျှောက်သွားတဲ့အခါ သူ့ ခေါင်းကို တစ်ချက်လေးတောင် ငဲ့မကြည့်ဘူးတဲ့။ ဘယ်အမြင်၊ အနံ့ ၊ အကြားအာရုံတွေကမှ သူ့ ကိုမဆွဲဆောင်နိုင်ပါဘူး။ နောက်ဆုံး လမ်းအဆုံးကို ရောက်တဲ့အခါမှာ ဘုရင်ကြီးအနေနဲ့ ဆီတွေဟာ အိုးထဲမှာပဲ (မဖိတ်မစင်) ရှိနေတာကို တွေ့ ရသတဲ့။
ဘုရင်ကြီးက သူ့ ကိုပြောလိုက်တယ်။ “အခု မောင်မင်း အပြစ်ဒဏ်ကနေ လွှတ်ပြီ၊ မောင်မင်းမသွားခင် လမ်းတလျှောက် လျှောက်သွားနေတုန်းမှာ ဘာအကြောင်းကို တွေးနေသလဲဆိုတာကို လျှောက်တင်စမ်းပါဦး” လို့ ဆိုသတဲ့။
ထိုအခါ အကျဉ်းသားက “အရှင်မင်းမြတ်၊ ကျွန်တော်မျိုး လမ်းအတိုင်း ဖြတ်လျှောက်သွားနေစဉ် ခေါင်းပေါ်မှာရှိတဲ့ ဆီအိုးနဲ့ ပတ်သတ်ပြီးပဲ စဉ်းစားနိုင်ပါတယ် ဘုရား။ အကြောင်းမှာ အကယ်လို့ ဆီတစက်လေးလောက် ဖိတ်စင်ကျသွားရင် ကျွန်တော်မျိုး ခေါင်းဖြတ်သတ်ခံရမှာမို့ ပါ အရှင်ဘုရား” (လို့ အကျဉ်းသားက လျှောက်ထားလိုက်တယ်)
ထို့ အတူပါပဲ ကျွန်တော်တို့ ဟာလည်း အဲဒီအကျဉ်းသားနဲ့ မခြားပါဘူး။ “မည်သို့ ပဲ ကိုယ့်ဘ၀မှာ ဖြားယောင်း သွေးဆောင်မှု၊ ဖျက်ဆီးမှုတွေ၊ အခက်အခဲဒုက္ခတွေနဲ့ ရင်ဆိုင်ကြရပါစေ။ ဘယ်လိုအခက်အခဲကိုမှ ဂရုမစိုက်ပဲ ကိုယ့်စိတ်ကိုယ်နိုင်အောင်ထိန်းပြီး ကျော်ဖြတ်နိုင်ကြမယ်ဆိုရင် တနေ့ မှာ ကိုယ့်ရဲ့ ယုံကြည်ချက်ပန်းတိုင်ကို မလွှဲမသွေ ရောက်ရှိမှာ အမှန်ပဲဖြစ်ပါတယ်”်ခင်ဗျာ...

0 comments

ရေးချင်တာတော့ကြာပါပြီ၊ ဒါပေမယ့် ဘာရေးရမှန်းကို ခေါင်းထဲက မထွက်ဘူးဖြစ်နေတယ်။ ဒါနဲ့ Light of English သြဂုတ်လထုတ်ဂျာနယ်လေးကို ပျင်းပျင်းရှိတာနဲ့ ကောက်ဖတ်နေလိုက်တယ်။ အဲဒီထဲက ဆုံးမစာလေး တွေ ပုံပြင်လေးတွေတွေ့တာနဲ့ အားလုံးလည်းဗဟုသုတရအောင်၊ အသိပညာတိုးအောင်၊ ခံစားလို့ ရအောင် တင်ပြပေးလိုက်ပါတယ်။ ဖတ်ပြီးတဲ့သူလည်း ရှိချင်ရှိမှာပေါ့နော်။ သည်းခံသာဖတ်ကြပါခင်ဗျာ။ ဘာရေးရမှန်း ခေါင်းထဲကမထွက်လို့ပါနော်...

ကျည်းကန်ရှင်ကြီး၏ “အမိက သားမောင်ရွှေအောင်ထံ ပေးသည့်သြ၀ါဒ မေတ္တာစာ”မှ ကောက်နှုတ် တင်ပြချက်

်“သေးမှသာလှသည် မဟုတ်ပါ။
ဝေးမှသာရသည် မဟုတ်ပါ။
မသေးဘဲနှင့်ပင် လှပါသည်။
မဝေးပဲနှင့်ပင် ရပါသည်။

ပြာမှသာလှသည် မဟုတ်ပါ။
ကြာမှသာရသည် မဟုတ်ပါ။
မပြာဘဲနှင့်ပင် လှပါသည်။
မကြာဘဲနှင့်ပင် ရပါသည်။

ကံသာ ဥစ္စာဓန ဖြစ်ချေသည်။
ဥာဏ်မှာ ဟုတ်ရာသမျှ ဖြစ်ချေသည်။
ကံရှိမှ တတ်သည်။
ဥာဏ်ရှိမှ မြတ်သည်။
ကံနှိုးဆော်မှ ထင်ပေါ်သည်။
ဥာဏ်နှိုးဆော်မှ မြင်မြော်သည်။

ကံပင်ရှိသော်လည်း ၀ီရိယ ချွတ်တတ်သည်။
ဥာဏ်ပင်ရှိသော်လည်း သတိလွတ်တတ်သည်။
ကံပင်ရှိသော်လည်း ၀ီရိယ ကူရမည်။
ဥာဏ်ပင်ရှိသော်လည်း သတိက မူရမည်။

ကြော့ကြမ်းလျှင် မုန်းတတ်သည်။
သော့သွမ်းလျှင် ဆုံးတတ်သည်။
ဟော့ရမ်းလျှင် ရှုံးတတ်သည်။
မကြော့ မကြမ်း နုရမည်။
မသော့ မသွမ်း ပြုရမည်။
မဟော့ မရမ်း ရှုရမည်။

ဂူပျက်ကိုလည်း မအောင်းနှင့်။
သူပျက်ကိုလည်း မပေါင်းနှင့်။
ဂူပျက်ကို အောင်းလျှင် ပိတတ်သည်။
လူပျက်ကို ပေါင်းလျှင် ငြိတတ်သည်။

ထန်းလျက်နှင့် တူသည်လို့ ကျောက်ဖြူကိုလည်း
မနမ်းနှင့်။
ကျွမ်းလျက်နှင့် မြူသည်လို့ အောက်သူကိုလည်း
မစမ်းနှင့်။
ကျောက်ဖြူကို နမ်းလျှင် ဖုံကပ်သည်။
အောက်သူကို စမ်းလျှင် ကုန်တတ်သည်။

ကျတိုင်းလည်း ကုန်းကာ မကောက်နှင့်။
ရတိုင်းလည်း သုံးကာ မဖျောက်နှင့်။
ကျတိုင်း ကောက်လျှင် လူရယ်မည်။
ရတိုင်း ဖျောက်လျှင် ဖြူလွယ်သည်...
ကျည်းကန်ရှင်ကြီး

“ဘ၀တန်ဖိုး”

အတိတ်ကိုဆွေး၊ မတွေးလေနဲ့
အတိတ်ဆိုတာ ပြန်မလာဘူး။
အနာဂတ်မှန်းဆ၊ မတမ်းတနဲ့
အနာဂတ်ဆိုတာ မသေချာဘူး။
ပစ္စုပ္ပန်မှာ လုပ်သင့်ရာကို
ပညာလုံ့ လ အသုံးချလျက်
ဘ၀တန်ဖိုး အားမာန်ကိုးကာ
မြတ်နိုးကြည်ဖြူ အရယူလော့။
ရွှေကလျာဏ (သာသနာ့တက္ကသိုလ်-မန်း)

0 comments

အမှတ်ရဖွယ်ရာ ဘလော့ခ်ဟောပြောပွဲလေးအကြောင်း

တက်ရောက်လာကြတဲ့သူများကို သစ်သီး၊ အအေးတို့နှင့် ဧည့်ခံနေစဉ်

ပျော်ပျော်ပါးပါး ဓါတ်ပုံတွေအလုအယက် ရိုက်ကြနဲ့

မန္တလေးသားဘလော့ခ်ဂါများ တွေ့ဆုံကြရာဝယ်

ဘလော့ခ်ဂါများက တက်ရောက်လာကြသူ ဧည့်သည်များမှ မရှင်းသည်၊ မေးမြန်းသည်များကို အားတက်သရော ရှင်းလင်းပြသနေကြစဉ်

C Box ထဲမှာပျော်ပျော်ပါးပါး ရေးကြ၊ အော်ကြ :)

ကွန်ပျူတာအင်ဂျင်နီယာ ပညာရှင်များအသင်းမှ အတွင်းရေးမှူး ရှင်းလင်းဆွေးနွေးနေစဉ်

စိတ်ဝင်တစား တက်ရောက်လာကြတဲ့ ဘလော့ခ်ဂါများနဲ့ ဧည့်သည်တော်များ

မန္တလေးသား/သူ ဘလော့ခ်ဂါများ ပျော်ပျော်ပါးပါး စုံစုံညီညီတွေ့ဆုံကြစဉ်

တက်ရောက်လာကြတဲ့ ဘလော့ခ်ဂါများနဲ့ ဧည့်သည်တော်များ

ကျွန်တော်တို့ နှင့် အလွဲများ

ဒီနေ့ ၂၂.၇.၂၀၀၇နေ့ဟာဖြင့် ထူးခြားပျော်ရွှင်ဖွယ်နေ့တနေ့ ဖြစ်ပါတယ်ခင်ဗျာ။ ဘာလို့လဲဆိုတော့ MICT Park က MCPA Room မှာ ဘလော့ခ်ဂါ ဟောပြောပွဲရှိလို့ပါ။ မန္တလေးသားဘလော့ခ်ဂါတွေ တိုးတက် လာစေလိုတဲ့ ရည်ရွယ်ချက်နဲ့လုပ်တဲ့ပွဲလေးလို့ သိရပါတယ်ခင်ဗျာ။ ကျွန်တော်တို့ ညီအကို(၂)ယောက် နေ့လည် (၁၂း၃၀)မှာ MICT Park ရောက်ပါတယ်။ ရောက်ရောက်ချင်း (၂)ယောက်သား ခပ်တည်တည်တွေနဲ့ အခမ်းအနား အပြင်အဆင်တွေရှိတဲ့ MICT Park တက်တက်ချင်း Hall Room ကြီးထဲ ၀င်ရောက်နေရာ ယူလိုက်ကြတယ်။ အဲဒီမှာမန္တလေးကွန်ပျူတာ လုပ်ငန်းရှင်များအသင်းမှ အလုပ်အမှုဆောင် ခန့်အပ်ပွဲရှိတာ မသိဘူးလေ။ ခန်းမထဲတဖြေးဖြေး လူများလာတယ်။ ကြည့်လိုက်တော့ အရာရှိကြီးတွေ၊ ပါမောက္ခချုပ်တွေ၊ လူကြီးလူကောင်း တွေချည်းဆိုတော့ နည်းနည်းတော့လန့်လာတယ်။ အကို့ကိုလက်တို့လိုက်တယ်၊ အကို အောင်ချမ်းဟုတ်တော့ဘူးထင်တယ်၊ လာတဲ့ဘလော့ခ်ဂါတွေကလည်း ငယ်တဲ့လူရှားလှချည်လား တခုခုတော့ မှားနေပီထင်တယ်။ အဲဒီတင်အခမ်းအနားမှူးက အခမ်းအနားစတင်ကြောင်း ကြေငြာလိုက်တယ်။ အခမ်းအနားအစီအစဉ်တွေကို တခုပြီးတခုဆက်တိုက် ကြေငြာသွားတယ်။ အခမ်းအနားအစီအစဉ် အစအဆုံး ကြေငြာလို့ပီးသွားမှ အခန်းမှားဝင်မိမှန်းသိလို့ (၂)ယောက်သားအသာထပြီး လစ်ထွက်ခဲ့ကြတယ်။

ဟောပြောပွဲဆီသို့

MCPA Room ကိုရောက်တော့ ဘလော့ခ်ဂါတွေတောင် အတော်စုံနေပါပြီ။ တက်ရောက်လာတဲ့ ဧည့်သည် တွေလည်း အတော့်ကိုများပါတယ်။ ဒါနဲ့အခန်းထဲရောက်တော့ အခမ်းအနားမှူးက အခမ်းအနားအစီအစဉ် (၁)အရ အခမ်းအနားစတင်ကြောင်း ကြေငြာပါတယ်။ အခမ်းအနားအစီအစဉ်(၂)အဖြစ် အထက်မြန်မာပြည် ကွန်ပျူတာ ပညာရှင်များအသင်း အတွင်းရေးမှူးက အောက်ပါအတိုင်း အဖွင့်အမှာကြား စကား ပြောပြီး ဆွေးနွေးသွားပါတယ်။

ဘလော့ဂ်နှင့် အခွင့်အလမ်းများ

ဘလော့ဂ်လုပ်ခြင်းဖြင့် ရရှိနိုင်သော အခွင့်အလမ်းအချို့အကြောင်းကို ဆွေးနွေးပါရစေခင်ဗျာ။ ဘလော့ဂ်လုပ်လို့ ဘာအခွင့်အလမ်းတွေ ရနိုင်မလဲလို့ တစ်ယောက်ယောက်က မေးလာခဲ့ရင် ရနိုင်တဲ့ အခွင့်အလမ်းတွေ အများကြီးရှိပါတယ်။ မိတ်ဆွေက အနုပညာရှင်တစ်ယောက်လား။ စီးပွားရေးလုပ်ငန်းရှင်တစ်ယောက်လား။ ဒါမှမဟုတ် ခုမှ ကျောင်းတက်နေတဲ့ ကျောင်းသားတစ်ယောက်လား။ ဒါမှမဟုတ် အိမ်မှာ စာအုပ်လေးဖတ်ပြီး ကိုယ်ဆွေးနွေးချင်တဲ့ အကြောင်းအရာလေးတွေကို ကမ္ဘာပတ်ပြီး ဆွေးနွေးဖို့ ဆန္ဒရှိသူ တစ်ယောက်လား။ ဘလော့ဂ်တစ်ခု ဖန်တီးရယူခြင်းဖြင့် မိတ်ဆွေရဲ့ ဆန္ဒတွေကို ဖြည့်ဆည်းနိုင်ပါလိမ့်မယ်။ Everything is bloggable လို့ ဆိုထားတဲ့ ဒီနေ့ Seminar ခေါင်းစဉ်အတိုင်း ကိုယ့်ရဲ့ နေ့စဉ် အဖြစ်အပျက်လေးတွေက အစ အင်တာနက် ကမ္ဘာမှာ ဖြန့်ဝေဖို့ အခွင့်အရေး ရှိပါတယ်။ အခွင့်အလမ်းတွေအများကြီးထဲက အနည်းငယ်ကို ဆွေးနွေးခွင့်ပြုပါခင်ဗျ ``အနုပညာနှင့်ဆိုင်သော အခွင့်အလမ်းများ´´ စာရေးခြင်း၊ ကဗျာရေးခြင်း ၀ါသနာပါတဲ့သူတွေဆိုရင် ကိုယ့်ရဲ့ဘလော့ဂ်မှာ စိတ်ကြိုက်ရေးသားပြီး တင်ထားနိုင်တယ်။ ဘလော့ဂါ အပေါင်းအသင်း သူငယ်ချင်းတွေရဲ့ ဝေဖန် အားပေးမှုနဲ့ အပြန်အလှန် ဆွေးနွေးတာတွေကိုလည်း လုပ်နိုင်ပါတယ်။ ပန်းချီဆွဲဝါသနာပါတဲ့သူတွေ၊ ဓါတ်ပုံရိုက်ဝါသနာပါတဲ့သူတွေလည်း ကိုယ့်ရဲ့ ဖန်တီးမှုတွေကို ချပြနိုင်တယ်။ အသံထွက် ကဗျာရွတ်ဦးမလား။ ၀တ္တုလေးတစ်ပုဒ်ကို သရုပ်ဖော်ပုံလှလှလေးတွေနဲ့ တန်ဆာဆင်ပြီး ရေးဦးမလား။ လှုပ်ရှားမှု Animation လေးတွေနဲ့ စိတ်ဝင်စားစရာကောင်းအောင် ဖန်တီးဦးမလား။ ရပါတယ်။ အမြင်အာရုံ၊ အကြားအာရုံ စသည်တို့နဲ့ ကိုယ့်စိတ်ကူးထဲက အနုပညာတွေကို စိတ်ကြိုက်ပုံဖော်လို့ ရပါတယ်။ ``ပညာရေးနှင့်ဆိုင်သော အခွင့်အလမ်းများ´´ မိတ်ဆွေ သိထား၊ တတ်ထားတဲ့ ပညာတွေ၊ အတွေ့အကြုံတွေကို ဝေမျှပေးချင်တယ်ဆိုရင် ဘလော့ဂ်ကတော့ အမြန်နှုန်းနဲ့ ကမ္ဘာအ၀ှမ်း ပြန့်နှံ့စေပါလိမ့်မယ်။ အင်တာနက်ကြည့်ရှုသုံးစွဲကြသူအများ ပညာယူကြရာနေရာတွေဟာ အရင်လို Website တွေမှာထက် ဘလော့ဂ်တွေမှာ ပိုပြီး အကြည့်များလာကြပါပြီ။ Website တစ်ခုလုပ်ဖို့ဆိုတာက Domain Name Registration ဆိုတဲ့ ကိုယ်ပိုင် အင်တာနက် လိပ်စာ တစ်ခု မှတ်ပုံတင်ရဦးမယ်။ ဒါကလည်း အလကား မရနိုင်ဘူးဆိုတော့ ပိုက်ဆံ ကုန်မယ်။ ပိုက်ဆံတတ်နိုင်ပေမယ့် နိုင်ငံတကာ ငွေကြေးလွှဲပြောင်းမှု အလွယ်တကူ လုပ်လို့မရနိုင်တဲ့ နိုင်ငံတွေဆိုရင် အချိန်တွေကြာမယ်။ အခက်အခဲတွေ ရှိမယ်။ နောက်တစ်ချက်က Website တစ်ခုတည်ဆောက်ရန် နည်းပညာအခက်အခဲ ပိုပြီး များပြားပါတယ်။ Blog ကတော့ နည်းပညာ အခက်အခဲ အတန်အသင့်ရှိတယ်ဆိုပေမယ့် Ready Made လုပ်ပေးထားတဲ့ Widget တို့ Template တို့ ကို ယူသုံးလိုက်ရုံနဲ့ အဆင်ပြေသွားပါပြီ။ ဒါကြောင့် သင်မျှဝေလိုသော အတွေ့အကြုံတွေကို ကမ္ဘာကို အလွယ်ဆုံးနဲ့ အမြန်ဆုံး ဖြန့်ဝေနိုင်တာ Blog ပါ။ ``စီးပွားရေးနှင့်ဆိုင်သော အခွင့်အလမ်းများ´´ မိတ်ဆွေမှာ လုပ်ငန်း တစ်ခုရှိတယ်ဗျာ။ အဲဒီလုပ်ငန်းကို ငွေကုန်ကြေးကျ နည်းနည်း၊ ကရိကထနည်းနည်း နဲ့ အင်တာနက်ကနေ ပြောပြချင်တယ်။ ပြီးတော့ အချိန်နဲ့အမျှ လုပ်ငန်းနဲ့ ဆိုင်တဲ့ Promotion လုပ်ထားတာတွေ၊ Discount ပေးနေတယ်ဆိုတာမျိုးတွေကို ကမ္ဘာ့အရပ်ရပ်က Customer တွေကို ပြောပြချင်တာ။ ဒါဆို Blog သာ လုပ်ထားလိုက်ပါ။ ကိုယ့်လုပ်ငန်းကို မသိသေးတဲ့ Customer တွေလည်း ကိုယ့် Blog ကနေတဆင့် ကိုယ့်လုပ်ငန်းအကြောင်း သိလာနိုင်သလို ကိုယ့်ရဲ့ ရှိပြီးသား ဖောက်သည်တွေလည်း ကိုယ့်လုပ်ငန်းအကြောင်း အမြဲတမ်း မျက်ခြေမပြတ် သိနိုင်တာပေါ့ဗျာ။ Blog လောက် ငွေကုန်ကြေးကျ သက်သာစွာနဲ့ လုပ်ငန်းကို ကြော်ငြာနိုင်တာ၊ သတင်းတွေ ပြောပြနိုင်တာ ဘယ်အရာရှိဦးမလဲဗျာ။

ဘလော့ဂ်နဲ့ ပတ်သတ်လို့ မိတ်ဆွေရရှိနိုင်တဲ့ အခွင့်အလမ်းတွေ အများကြီး ရှိပါသေးတယ်ဗျာ။ အခြား ဘလော့ဂါများကလည်း ပြောပြကြဦးမှာပါ။ ခုလို Live Blog အစီအစဉ်မှာ ၀င်ရောက်ရေးသားခွင့်ရလို့လည်း စီစဉ်သူများအားလုံးကို ကျေးဇူးတင်ပါတယ်။ ဒီဘလော့ဂ်ကို လာရောက်ဖတ်ရှုကြသူများနဲ့ Seminar ကို တက်ရောက်ကြသူ ဧည့်သည်တော်များအားလုံးလည်း ကိုယ်ပိုင်ဘလော့ဂ်ကနေတဆင့် မိမိတို့ရဲ့ အခွင့်အလမ်းများကို ထိထိရောက်ရောက် ရယူအသုံးချနိုင်ကြပါစေခင်ဗျာ။

အခမ်းအနားအစီအစဉ်(၂)အရ Internet Training Program Mananger မရတနာချိုက ဆက်လက် ပြီးဘလော့ခ်နဲ့ပတ်သက်တဲ့ အကြောင်းအရာတွေကို ဆွေးနွေးရှင်းလင်းတင်ပြ သွားပါတယ်။

အခမ်းအနားအစီအစဉ်(၃)အရ အခမ်းအနားအောင်မြင်စွာ ပြီးဆုံးကြောင်းကြေငြာပါတယ်။

အဲဒီနောက် တက်ရောက်လာကြတဲ့ ဧည့်သည်တော်အပေါင်းကို အအေး၊ သစ်သီးတို့နဲ့ဧည့်ခံပါတယ်။ ကိုယ်တိုင် ထယူစနစ်နဲ့ပါ။ ပြီးတော့တက်ရောက်ကြတဲ့သူများထဲမှ မရှင်းတာတွေ၊ နားမလည်တာတွေကို တက်ရောက် လာကြတဲ့ ဘလော့ခ်ဂါတွေက ၀ိုင်းဝန်းကူညီရှင်းလင်း ပြသပေးကြပါတယ်။ (၄)နာရီထိုးတော့ ကျွန်တော်တို့ ညီအကို(၂)ယောက် အားလုံးကိုနှုတ်ဆက်ပြီး ပြန်ခဲ့ကြပါတော့တယ်။ တကယ့်ကို ကျေနပ်ဝမ်းသာပျော်ရွှင် ဖွယ်ရာပွဲလေး ဖြစ်ခဲ့ပါတယ်။ မေ့မရတဲ့နေ့လေး(၁)နေ့လည်း ဖြစ်သွားပါပြီ။

ကျွန်တော့်အတွက်တော့ အလွန်ပျော်ရွှင်မိပါတယ်။ ကိုယ်လေးစားအားကျတဲ့ ဘလော့ခ်ဂါကြီးတွေနဲ့ တွေ့ရဆုံရ ဆွေးနွေးရလို့ပါ။ သူတို့နဲ့ယှဉ်လိုက်တော့ ကိုယ့်ကိုယ်ကိုတောင် တွေးပြီးရှက်မိပါတယ်။ ကျွန်တော်နောက်ကို သူတို့လိုဖြစ်အောင် ဆက်ကြိုးစားမယ်လို့ တွေးရင်း....

0 comments

မမ ဖြူနှင်းသော်

ကြယ်လေးတစ်ပွင့်
ကြွေသွားခဲ့တာ
ကြာပါပြီ
ဒါပေမယ့် နာကျင်စွာ သတိရ
ထာဝစဉ်သာ ရင်ထဲအမှတ်ရနေတာ
မမပါပဲ

မမမောင်လေးတို့ မိသားစုကိုခွဲခွာသွားတာ (၂)နှစ်တင်းတင်း ပြည့်တော့မယ်နော်။ မောင်လေးတော့(၁)ရက်မှ မေ့မရပါဘူး။ ပျောက်သောသူရှာရင်တွေ့ ၊ သေသောသူကြာရင်မေ့ဆိုတာ မမနဲ့ မဆိုင်သလိုပဲ၊ မောင်လေး ဘယ်တော့မှမမေ့ပါဘူး အခုဆိုမမက အေးချမ်းတဲ့နေရာမှာ ငြိမ်းချမ်းစွာနဲ့ ထာဝရအိပ်စက်နေတာနော်၊ မောင်လေးလည်း တနေ့တော့မမနောက် လိုက်လာခဲ့မှာပါ။ အခုတော့ ငိုချင်နေတယ်ဗျာ။ မမမောင်လေးတို့ ၃တန်းတုန်းကလေ မမက၄တန်းပေါ့၊ မမကိုရည်စားစကားလိုက်ပြောလို့ မောင်လေးက ကျောင်းအုပ်ဆရာမကြီးနဲ့ သွားတိုင်တာလေ၊ ဟိုကောင်တွေ ကျောင်းအုပ်ကြီးရုံးခန်းရောက်ပြီး ကျောင်းဆင်းတော့ မောင်လေးတို့နဲ့ ရန်ဖြစ်ကြတာလေ၊ မှတ်မိသေးတယ် မောင်လေးတို့ မောင်နှမနှစ်ယောက်နဲ့ အဲဒီနှစ်ကောင်နဲ့ ချကြတာလေ။ မောင်လေးက ခဲတံနဲ့ထိုးလိုက်တာ ကျောင်းအုပ်ကြီးရုံးခန်းကို နောက်တစ်ခေါက်ရောက်ရော။ အဲဒီကောင်တွေလည်း တော်တော်မှတ်သွားမှာ။ မမ(၁၀)တန်း ရောက်တော့လည်း ကျူရှင်ကပြန်လာရင် ပါလာသမျှရည်းစားစာတွေစုပြီး မောင်နှမ(၂)ယောက်ထိုင်ဖတ်ပြီး ရီခဲ့ကြတာ အရမ်းသတိရတာပဲ၊ မောင်လေးလိုက်လာခဲ့မယ်နော် တစ်နေ့နေ့ပေါ့၊ အဲဒီတစ်နေ့နေ့ဟာ...

1 comments

My Brother&Sister and My Best Friends

ကျွန်တော့်ညီမလေး ပြည်ဖြိုးသော်ပါ။ ညီမအရင်းပါ တော်တော်တော့ဆိုးတယ်၊ တကယ်အနော်က အခံရဆုံး၊ လက်သံက ပြောင်သေးတယ်။ ကျွန်တော့်အောက်ကပေါ့ စွာစိမလေး...

မမ မွန်သော်
ဘယ်လိုပြောရမလဲ ဆုံးသွားတဲ့ကျွန်တော့မမအစားပြန်ရသလိုပါပဲ အရမ်းပျော်တတ်ပြီး အရမ်းချစ်ဖို့ကောင်းပါတယ် အခု ကျွန်တော့်ရဲ့အစ်မပါပဲ

အကို တေဇာ
ဒါလည်းပဲ myanmarfriends ကရတဲ့အကိုတစ်ယောက်ပါ ကျွန်တော့်ကိုတော့တော်တော်ချစ်တယ် (မှတ်ချက်။ ညီအကိုလိုပြောတာပါ :P)

ညီမလေး BrainChild
သူလည်းပဲ Myanmarfriends ကရတဲ့ ညီမလေးပဲ အရမ်းချစ်ဖို့ကောင်းတဲ့ညီမချောလေးတစ်ယောက်ပဲ

မမ မိုးရေအေး
သူကတော့ Myanmarfriends ကခင်တဲ့မမပါ အရမ်းချစ်ဖို့ကောင်းတာမယုံရင်သွားကြည့်

်

ကျွန်တော်တို့ ညီအကိုနှစ်ယောက်
တိရစ္ဆာန်ဥယျာဉ်ထဲကကြိုးတံတားပေါ်မှာပါ ညီမလေးပိုးပိုးရိုက်ပေးတာလေ အမှတ်တရပေါ့်

ကျွန်တော်တို့မောင်နှမသုံးယောက်

ကျွန်တော်တို့ မောင်နှမ(၃)ယောက် မန္တလေးတိရစ္ဆာန် ဥယျာဉ်သွားတုန်းကပေါ့၊ ယာဘက်အစွန်က ညီမလေးပိုးပိုးပေါ့ (မှတ်ချက်။လှပဂေးလေး)

“ကျွန်တော်နှင့် ကျွန်တော့်ညီအကိုမောင်နှမ သူငယ်ချင်းများ”

ကျွန်တော်လူမှန်းသိတတ်စ အရွယ်ကစပြီး အခုဒီအရွယ်အထိပေါ့၊ လူအမျိုးမျိုးစရိုက် အထွေထွေနဲ့ သူငယ်ချင်းပေါင်း မြောက်မြားစွာနဲ့ တွေ့ဆုံပေါင်းသင်း ဆက်ဆံခဲ့ဖူးပါတယ်။ အဲဒီထဲမှာမှ စရိုက်ချင်းမတူ၊ စိတ်ချင်းမတူလို့ ခွဲခွာခဲ့ရတဲ့ သူငယ်ချင်းတွေလည်းရှိတယ်၊ စိတ်ထားချင်းတူ၊ စရိုက်ချင်းတူပြီးမှအကြောင်း အမျိုးမျိုးကြောင့် ခွဲခွာခဲ့ရတဲ့သူတွေ လည်းရှိတာပဲ၊ အခုအချိန်ထိဆက်လက် ပေါင်းသင်းဆက်ဆံ နေတဲ့သူတွေလည်း ရှိကြပါတယ်။ တကယ်တော့ လူတစ်ယောက်ရဲ့ဘ၀မှာ အပေါင်းအသင်း၊ မိတ်ဆွေ၊ သူငယ်ချင်းဆိုတာ မရှိခဲ့ရင် အဲဒီလူရဲ့ဘ၀ဟာ ရှင်လျက်နဲ့သေနေသလိုပါပဲ၊ ခြောက်ခြောက်သွေ့သွေ့နဲ့ လူဘ၀ကို အထီးကျန်စွာ ဖြတ်သန်းရမှာဖြစ်ပါတယ်။ ဒီတော့ဘယ်သူတွေ ဘယ်လိုထင်ထင် ကျွန်တော် လွင်ကိုလတ်ကတော့ လူတစ်ယောက်ရဲ့ဘ၀မှာ မိတ်ဆွေကောင်း၊ သူငယ်ချင်းကောင်းဆိုတာ မရှိမဖြစ် လိုအပ်တယ်လို့ ယူဆပါတယ်။ ကျွန်တော်ဘ၀တစ်လျှောက်မှာ အခုအချိန်ထိပေါင်းခဲ့တဲ့ သူငယ်ချင်းတွေထဲမှာ သူငယ်ချင်းကောင်း၊ မိတ်ဆွေကောင်းဆိုတာ လက်ချိုးရေလို့ရပါတယ်။ ပထမဦးဆုံးကျွန်တော့်ရဲ့ ငယ်ပေါင်းကြီးဖော် သူငယ်ချင်းတစ်ဦး အကြောင်းကိုပြောပြပါမယ်။ သူ့နာမည်ကတော့ သီဟအောင် (ခ) အောင်အောင်တဲ့၊ ကျွန်တော့်အပေါ်တကယ်ကောင်း၊ တကယ်ချစ်တဲ့သူငယ်ချင်းပါ။ အမြဲတမ်းအနွံနာ၊ အနစ်နာလည်းခံတယ်၊ သူ့ကိုအချစ်ဆုံးကတော့ ကျွန်တော်နဲ့စိတ်ဓါတ်ချင်း တထပ်တည်းကျတယ်၊ Game ကစားတာဝါသနာ ပါတာချင်းလည်းတူတယ်၊ သူနဲ့ကျွန်တော်ဆို ခဏခဏဆော်ခံရတယ်၊ ဟီး ဒါလည်းမမှတ်ပါဘူး၊ ဆော်တုန်းခဏပါပဲ နောက်တော့လည်း ခွေးမြီးကောက်ကျည်တောက်စွပ်ပါပဲ၊ ကျွန်တော့်အိမ်ကကျွန်တော့်ကို လက်မြှောက်အရှုံးပေးပေမယ့် သူ့အိမ်ကမပေးပါဘူး။ ဒီလိုနဲ့သူနဲ့ ကျွန်တော် (၆)တန်းကျောင်းသားဘ၀မှာ ခေတ္တကွဲသွားတယ်ပေါ့ဗျာ။ အဲ အဲဒီမှာပိုဆိုးတာပဲဗျို့။ သူငယ်ချင်း နောက်တစ်ယောက်နဲ့ ထပ်တွေ့တယ် သူ့နာမည်က သီဟနိုင်တဲ့၊ သူကလည်း ကျွန်တော်နဲ့စိတ်တူကိုယ်တူ ၀ါသနာတူပဲဗျ၊ Games နဲ့ပတ်သတ်လို့ကတော့ ဟိုလက်ကိုင် Games လေးကနေ Computer Games ထိမလွတ်ပါဘူး၊ သူနဲ့ပေါင်းမှ ကျွန်တော်မန္တလေးသားစစ်စစ်ဖြစ်တော့တယ်၊ ဟုတ်တယ်လေအစက Games ဆိုင်ထဲကအပြင်ကို ထွက်တာမဟုတ်ဘူး၊ သူနဲ့ပေါင်းမှပဲစက်ဘီးလည်း စီးတတ်တော့တယ်၊ မန္တလေးမြို့ အနှံ့လည်းရောက်တော့တယ်၊ ရောက်ပုံကလည်းတခြားကြောင့်မဟုတ်ဘူး၊ သူ့အိမ်က Games ကစားတာမကြိုက်ဘူးလေ၊ သူ Games ဆိုင်သွားရင်နောက်ကနေ မရရအောင်လိုက်ခေါ်တယ်၊ Games ဆိုင်တစ်ဆိုင်ကိုသိသွားရင် ကျွန်တော်တို့ကလည်း နောက်တစ်ဆိုင်ကို ပြောင်းကစားတယ်၊ ဟဲဟဲ ဒီလိုနဲ့ မန္တလေးတစ်မြို့လုံးအနှံ့ ရောက်ဖူးသွားတယ်ဆိုပါစို့၊ စဉ်းစားသာကြည့်ကြပေတော့ ကျွန်တော်တို့ Games ကစားတာကို ဘယ်လောက် ၀ါသနာပါလည်းဆိုတာ၊ သူလည်း(၉)တန်းနှစ်ရောက်ရော ကျွန်တော်နဲ့ခေတ္တအဆက်အသွယ် ပျက်သွားပြန်ပါတယ်။ အဲကျွန်တော်(၁၀)တန်းကျပြီး နောက်တစ်နှစ် မှာတော့ ထက်လင်းစိုး၊ စိုင်းထွန်းအောင်ဆိုတဲ့ သူငယ်ချင်းနှစ်ယောက်နဲ့ စတွေ့ပါတယ်၊ သူကလည်းဝါသနာတူပဲဗျ၊ (၁၀)တန်းကျပြီးတော့ လိုင်းနဲနဲပိုစုံလာတယ်၊ ဟဲဟဲ Games တင်မဟုတ်တော့ဘူး၊ ဆေးလိပ်က သောက်တတ်လာတယ်၊ အမေ ပြောတဲ့ ခွေးမသောက်တဲ့ အရည်တွေ သောက်တတ်လာတယ်၊ ဒါပေမယ့် လုံးဝလက်မထောင်နိုင်တာတော့ မိန်းမကိစ္စကင်းတာပါပဲ၊ ကျွန်တော်ပထမနှစ်လည်းတက်ရော ဒီကောင်တွေနဲ့ ပြန်ပေါင်းမိရော၊ ဟီးဟီးရတနာပုံတက္ကသိုလ်မှာ ထန်းတောကကိုထွက်တော့ဘူး။ ကျွန်တော်တို့(၅)ယောက်ပေါင်း ကျွမ်းပြန်နေတာပဲ။ ကျွန်တော်ဒုတိယနှစ်မှာ အလုပ်လုပ်ခဲ့တယ်။ သူတို့(၄)ယောက်နဲ့ ဟိုးအရင်လောက်မပေါင်းဖြစ်တော့ဘူး၊ အလုပ်ကတစ်ဖက်နဲ့ဆိုတော့လေ၊ အားတဲ့အချိန်လေး လက်ဖက်ရည်ဆိုင် သွားထိုင်တာလောက်ပဲ လုပ်နိုင်တော့တယ်။ ကျွန်တော်တို့ရုံးက ကွန်ပျူတာဌာနမှာပေါ့ဗျာ၊ ကျွန်တော်အရမ်းလေးစားရတဲ့၊ ချစ်ရတဲ့အကိုဆိုလည်းဟုတ်တယ်၊ ဆရာဆိုလည်းဟုတ်တယ်၊ သူငယ်ချင်းဆိုလည်းဟုတ်တဲ့ အကိုအောင်ချမ်းလင်းနဲ့စတွေ့ပါတယ်။ သူ့ကျေးဇူးတွေကြောင့် ကွန်ပျူတာဆိုတာ Games နှိပ်ရုံသပ်သပ်မဟုတ်ပဲ စွယ်စုံရပါလားဆိုတာ သိခဲ့ရတယ်၊ အဲသူသင်ပေးလို့ ကျွန်တော်ကွန်ပျူတာ သုံးစွဲတတ်ခဲ့တယ်။ တစ်သက်နဲ့တကိုယ် အိပ်မက်မမက်ဘူးတဲ့ အင်တာနက် ကိုလည်းသုံးတတ်ခဲ့တယ်။ အကိုကျေးဇူးကြောင့်ပဲ ကျွန်တော်ဆေးလိပ်လဲ ပြတ်သွားတယ်။ သူကရှားမှရှားတဲ့ လူတော်တစ်ယောက်ပါပဲ။ သူဟာကျွန်တော့်အဖေနဲ့အမေက မွေးတာမဟုတ်ပေမဲ့ ကျွန်တော့်ရဲ့ အကိုကြီးပါပဲ။ Onlineလဲစသုံးတတ်ရော နောက်ထပ်သူငယ်ချင်းတွေအများကြီးထပ်ရလာပါတယ်။ Online ကနေ နောက်ထပ်အကိုတွေ၊ အမတွေ၊ ညီမလေးတွေ နဲ့ သူငယ်ချင်းတွေအများကြီးရခဲ့ပါတယ်။ ကျွန်တော်လို လူတစ်ယောက်ရဲ့ဘ၀မှာ မိတ်ဆွေကောင်း၊ သူငယ်ချင်းကောင်းဆိုတာ မရှိမဖြစ် လိုအပ်တယ်လို့ ယူဆထားတဲ့လူအတွက်တော့ အတိုင်းမသိဝမ်းသာပြီး၊ ပြောမပြတတ်လောက်အောင်ကို ခံစားရပါတယ်။ ဒီလို အခြေအနေဖြစ်အောင် သင်ကြားပြသပေးတဲ့ အကိုကြီးအောင်ချမ်းလင်းကို ညီကရင်ထဲမှာ သေတဲ့အထိသတိရနေမှာပါ။ Online ကအကိုကြီးတွေဖြစ်တဲ့ အကို တေဇာ၊ အကို ဝေမင်းထွဋ်၊ အကို Sleppy၊ အကို သွင်မောင်၊ အကို သဲဝေ၊ အကို ရဲလေး၊ အမကြီးတွေဖြစ်တဲ့ မမ မိုးမေ၊ မမ မွန်လေး၊ မမ ဟေမန်၊ မမ တာတာ၊ မ ဖြူ။ မမ ဆုမြတ်၊ မမ 78 pooh၊ မမ လဲ့လဲ့ဝင်း၊ ညီမလေးတွေဖြစ်တဲ့ ညီမလေး CG၊ ညီမလေး BC၊ ညီမလေး ပိုးပိုး၊ ညီမ Zan၊ ညီမလေး အေးကြည်သာ၊ ညီမလေး စန်းစန်းမြင့်၊ ညီမလေး ကေသီ၊ အေးအတူပူအမျှ သူငယ်ချင်းကောင်းတွေဖြစ်တဲ့ မ PhyuPhyuNaing၊ မ Nibblawyi၊ မ Cutiewin၊ မ Snowwyne၊ မ မေဦးမိုး တို့အားလုံးနဲ့ မေ့သွားလို့မပါလိုက်တဲ့ သူငယ်ချင်းအားလုံးကိုပါ ကျွန်တော်လွင်ကိုလတ်က အမြဲနွေးထွေးစွာကြိုဆိုကြောင်းနှင့် ဝေဖန်အကြံပြုနိုင်ကြောင်း ကြေငြာမောင်းခတ်လိုက်ပါတယ်...

LwinKoLat ,Mandalay

“မင်္ဂလာပါ” သူငယ်ချင်းအားလုံးခင်ဗျာဒါကျွန်တော်တို့ ညီအကိုနှစ်ယောက်ပါ

“ကျွန်တော့်ရဲ့ ကိုယ်ရေးရာဇ၀င်လေးပေါ့”

ကျွန်တော့်နာမည်ကတော့ လွင်ကိုလတ်ဖြစ်ပါတယ်။ ကျွန်တော့်ရဲ့မိဘနှစ်ပါးက ကျွန်တော့်ကို ၁၉၈၅ခုနှစ် ဇူလိုင်လ၁၅ရက်နေ့ ဗုဒ္ဓဟူးနေ့မှာ လူ့လောကထဲကို မွေးထုတ်ပေးခဲ့ပါတယ်။ အဲပြောဖို့မေ့နေတာက ကျွန်တော့်ရဲ့မိဘနှစ်ပါးဟာ မန္တလေးသား၊ မန္တလေးသူစစ်စစ်တွေပါ။ ဒီတော့ကျွန်တော် လွင်ကိုလတ်ဆိုတဲ့ ကောင် ကလည်းနောက်ဆုံးမင်းစိုက်ခဲ့ရာ ရတနာပုံနေပြည်တော်ကြီးမှာ မွေးဖွားခဲ့တဲ့ မန္တလေးသားစစ်စစ်ပဲပေါ့နော်။ ကျွန်တော့်မှာ မွေးချင်း မောင်နှမအားလုံး (၄)ယောက်ရှိပါတယ်။ အမက(၁)ယောက်၊ ညီမလေးက(၂)ယောက်၊ အဖေရယ်အမေရယ်နဲ့ဆိုစုစုပေါင်း မိသားစု(၆)ယောက်ပေါ့နော်။ ကျွန်တော်တို့က လူဆင်းရဲပေမယ့် စိတ်မဆင်းရဲပါဘူး အရမ်း ပျော်ဖို့ကောင်းပါတယ်။ မိသားစုစုံစုံညီညီနဲ့ စိတ်ညစ်စရာမရှိပါဘူး။ အဲဒီဘ၀ကို ကျွန်တော်အရမ်းကျေနပ်တယ်။ ဒီလိုနဲ့ကျွန်တော် (၁၀)တန်းကို ရောက်တော့ အချစ်ကိုစတွေ့တယ်။ ပြောဖို့မေ့နေတာက ကျွန်တော်နေတဲ့ကျောင်းကတော့ မန္တလေးမြို့ရဲ့အထင်ကရကျောင်းတွေထဲမှာ အပါအ၀င်ဖြစ်တဲ့ အ.ထ.က(၁၆)ကျောင်းပါ။ ဆိုပါစို့ အဲဒီနှစ်ကကျွန်တော် (၁၀)တန်းကျတယ်။ အဲဒီမှာကျွန်တော် စိတ်တော်တော်လေသွားတယ်။ တော်တော် ပျက်စီးလိုက်တယ်ဆိုပါစို့။ ဆေးလိပ်သောက် တတ်လာတယ်၊ အရက်သောက် တတ်လာတယ်။ (၁၀)တန်းကို နှစ်နှစ်ကျပြီးတော့ ကျွန်တော်အမြင်မှန်ရလာတယ်။ အမေငိုငိုနေတာကိုလည်း မကြည့်ရက်တော့ဘူး၊ အမေမျက်ရည်တစ်စက်ကျရင်ကို ကျွန်တော့်ရင်မှာမချိအောင်ခံစားရတယ်။ ကျွန်တော်ပြန်ကြိုးစားတယ်၊ ဒါငါ့အမေအတွက်ဆိုပြီးတော့၊ ကျွန်တော်ကြိုးစားတာအရာရောက်ပါတယ်။ အဲဒီနှစ်(၁၀)တန်းကို ကျွန်တော် မြန်မာစာဂုဏ်ထူးနဲ့အောင်တယ်။ အောင်စာရင်းထွက်တဲ့နေ့က ကျွန်တော်ရင်ထဲမှာ အတိုင်းမသိပျော်ရွှင်ပြီး၊ အတိုင်းမသိခံစားရတယ်။ ဘာလို့လဲဆိုတော့ စာမေးပွဲအောင်ကြောင်းအမေ့ကိုပြောတော့ အမေငိုတယ်လေ။ ဒါပေမယ့် အမေ့ပါးကကျလာတဲ့ မျက်ရည်ချင်းကတော့မတူတော့တာကို ကျွန်တော့်စိတ်မှာသိနေတယ်။ အဲဒီနေ့ကတော့ တကယ်ကိုမမေ့နိုင်တဲ့နေ့တစ်နေ့ပါပဲ။ (၁၀)တန်းအောင်ပေမယ့် အိမ်အခြေအနေကြောင့် ဘာမှဆက်မတတ်ဘဲ အဝေးသင်ယူခဲ့တယ်။ ပြောရဦးမယ် ဟဲဟဲ ကြွားတာတော့မဟုတ်ဘူး။ (၁၀)တန်းအောင်တုန်းက မြန်မာစာဂုဏ်ထူးနဲ့ ယူတဲ့မေဂျာကကြည့်ဦး၊ အင်္ဂလ်ိပ်စာတဲ့ ဟားဟား၊ လူတကာကျွန်တော့်ကို ဟားကြတယ်။ ကျွန်တော် ဒီမေဂျာကို အရမ်းစိတ်ဝင်စားတာ၊ ၀ါသနာလည်းပါတယ်လေ။ ကျွန်တော်ဒုတိယနှစ်မှာ မိသားစုရေးအတွက်နဲ့ နိူင်ငံတာဝန်ကိုထမ်းဆောင်ဖို့ ၀န်ထမ်းလောကထဲ ခြေစုံပစ်ဝင်ခဲ့တယ်။ ဒါပေမယ့် ကံကြမ္မာဆိုတာ ကြိုတင်မြင်နိုင်တဲ့ အရာမှမဟုတ်တာပဲ၊ ကျွန်တော်သင်တန်းတက်နေတုန်း အမအသည်းအသန်ဖြစ်နေတယ်ဆိုတဲ့ သတင်းကြားရတယ်။ ဒါပေမယ့် ကျွန်တော့်ဘ၀မှာ တစ်သက်လုံးဖြေဆည်မရတဲ့ အမှားကိုလုပ်ခဲ့မိတယ်။ ကျွန်တော်သင်တန်းဆင်းတော့ မမအသက်ယဲ့ယဲ့ပဲ ကျန်တော့တယ်။ ဒီကကောင်ကအေးဆေးပေါ့ အခုမှသင်တန်းဆင်းတာ သူငယ်ချင်းတွေနဲ့ အားရပါးရကဲနေတယ်၊ အိမ်လည်းမပြန်ဘူး ရုံးမှာအိပ်ရုံးမှာစားနဲ့။ တစ်နေ့အဖေရုံးလိုက်လာတယ်၊ မင်းမမဆုံးပြီတဲ့ဗျာ။ ကင်ဆာနဲ့တဲ့။ ကျွန်တော်ကြားကြားချင်တုန်းက လုံးဝလက်မခံနိုင်ဘူးဗျာ၊ အမေကပြောတယ် သူမသွားခင်မောင်လေးရော၊ မောင်လေးရောနဲ့ တဖွဖွမေးသွားတယ်တဲ့၊ ကဲဗျာ ကျွန်တော်ဘယ်လောက် မိုက်တဲ့ကောင်လဲလို့ ကိုယ့်အမရဲ့ နောက်ဆုံးအချိန်လေးတောင် ဘေးနားမှာရှိမနေခဲ့ဘူး။ တွေးမိတိုင်း ကိုယ့်ကိုယ်ကိုစိတ်နာတယ်၊ လူကြားထဲလည်းဟန်မဆောင်နိုင်ဘူး မျက်ရည်ကျမိတယ်။ တကယ်ပါဒီအဖြစ်အပျက်ဟာ ကျွန်တော့်အတွက်တော့သေရာပါမယ့်နောင်တပါ။ အခုတော့ကျွန်တော်ပျော်နေပါပြီ၊ ရုံးမှာလည်းအခြေကျနေပြီလေ။ ဒါပေမယ့်တွေးလိုက်တိုင်းတော့ မျက်ရည်ကျတုန်းပါပဲ။ ကျွန်တော်ရုံးမှာ အကိုတစ်ယောက် အစားထိုးပြန်ရသလိုပါပဲ၊ သူ့နာမည်ကတော့ အောင်ချမ်းလင်းတဲ့၊ အကိုဆိုလည်းဟုတ်တယ်၊ ဆရာဆိုလည်းဟုတ်တယ်၊ သူငယ်ချင်းဆိုလည်း ဟုတ်တယ်ဗျ။ ကျွန်တော်လေးစားတဲ့ သူတွေထဲမှာ သူလည်းတစ်ယောက်အပါအ၀င်ပေါ့၊ သူ့ကြောင့်ပဲကျွန်တော်ဖြတ်မရတဲ့ ဆေးလိပ်ပြတ်သွားတယ်။ သူ့ကြောင့်ပဲ ကျွန်တော်ဘာသင်တန်းမှ မတက်ရပဲ ကွန်ပျူတာတက်ခဲ့တယ်၊ တသက်လုံးစိတ်ကူးမယဉ်ဘူးတဲ့ အင်တာနက် သုံးတတ်သွားတယ်။ တကယ်ပါ သူဟာလည်းမမလိုပဲ ကျွန်တော့်ဘ၀ရဲ့ နောက်ထပ်အကိုတစ်ယောက်ပါ၊ အခုလည်းသူသင်ပေးလို့ ဒါကိုကျွန်တော်ဒီလိုရေးနိုင်တာပေါ့၊ ကျေးဇူးကမ္ဘာပါ အကိုအောင်ချမ်းလင်းရေ။ ကဲ သူငယ်ချင်းအားလုံးရေကျွန်တော့်လိုတော့ မမိုက်ကြပါနဲ့နော်၊ ဒီလိုအဖြစ်မျိုးကသတိယူ ရှောင်ရှားနိုင်ကြပါစေလို့ ဆုတောင်းပေးလိုက်ပါတယ်နော်...